നടി നിത്യ മേനോനും തെലുങ്ക് യുവനടനും പ്രണയത്തിലാണെന്ന വാർത്ത ഗോസിപ് കോളങ്ങൾ ഒരുപാട് ആഘോഷിച്ചതാണ്. അയാള് വിവാഹമോചിതനാകാന് കാരണം നിത്യയുമായുള്ള പ്രണയമാണെന്നുപോലും ഗോസിപ്പുകൾ പരന്നു. ഇപ്പോഴിതാ പ്രണയത്തെക്കുറിച്ചും ഗോസിപ്പുകളോടുള്ള തന്റെ നിലപാടിനെക്കുറിച്ചും തുറന്നുപറഞ്ഞിരിക്കുകയാണ് നിത്യ.
ഗോസിപ്പുകള്ക്ക് താന് വില കൊടുക്കാറില്ലെന്നും ഇത്തരം വാർത്തകളോട് പ്രതികരിക്കാതിരിക്കുകയാണ് തന്റെ നിലപാടെന്നുമാണ് നടിയുടെ വാക്കുകൾ. എങ്കിലും അവ നൽകുന്ന മാനസിക പ്രയാസം വലുതാണെന്നും താരം പറഞ്ഞു. മറ്റുള്ളവരെ വേദനിപ്പിക്കുന്നവര്ക്ക് അതിന്റെ കര്മ്മ ഫലം കിട്ടുമെന്നും നിത്യ കൂട്ടിച്ചേർത്തു.
തെലുങ്കിലെ പ്രമുഖ നടന്റെ വിവാഹബന്ധം തകരാന് കാരണം ഞാനാണെന്ന് പല പ്രചരണങ്ങളും പുറത്തുവന്നു. ആ വാർത്ത ഒരുപാട് വേദനിപ്പിച്ചിരുന്നെന്നും അദ്ദേഹവുമായി ചേർന്ന് അഭിനയിച്ച ഒരു സിനിമ ആ സമയം പുറത്തിറങ്ങിയതാകാം ഈ വാർത്തയ്ക്ക് പിന്നിലെ കാരണമെന്നും നിത്യ പറഞ്ഞു. അത് സത്യമല്ലെന്ന് ഇപ്പോൾ എല്ലാവർക്കുമറിയാം. അദ്ദേഹം വിവാഹമോചിതനായിട്ട് ഇപ്പോൾ ഒരുപാട് നാളായെന്നും പ്രണയം സത്യമായിരുന്നെങ്കിൽ തങ്ങൾ ഇതിനോടകം വിവാഹിതരാകുമായിരുന്നല്ലോ എന്നും നിത്യ ചോദിക്കുന്നു.
തന്റെ ജീവിതത്തിലെ ഏക പ്രണയത്തെക്കുറിച്ചും നിത്യ അഭിമുഖത്തിൽ തുറന്നുപറഞ്ഞു. ആദ്യപ്രണയത്തില് താന് വളരെ സീരിയസ് ആയിരുന്നെന്നും ആ പ്രണയം തകര്ന്നപ്പോള് വല്ലാത്ത അവസ്ഥയിലായെന്നും താരം പറഞ്ഞു. പ്രണയതകർച്ചയ്ക്ക് ശേഷമുള്ള കുറച്ചു കാലത്തേക്ക് പുരുഷന്മാരോട് തന്നെ വെറുപ്പായിരുന്നെന്നും നടി പറയുന്നു. പിന്നീട് തന്റെ ജീവിതത്തിൽ പ്രണയങ്ങളൊന്നും സംഭവിച്ചിട്ടില്ലെന്നും നിത്യ പറഞ്ഞു.
പറ്റിയ ആളെ കണ്ടുമുട്ടിയാല് വിവാഹം കഴിക്കാം എന്നാണ് തന്റെ തീരുമാനമെന്നും വിവാഹം കഴിക്കാന് വേണ്ടി ഒരു വിവാഹത്തിന് ഒരുക്കമല്ലെന്നും നിത്യ പറഞ്ഞു. എന്റെ ലോകം എന്റേത് മാത്രമാണ്, താരം കൂട്ടിച്ചേർത്തു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ