പ്രണയാഭ്യര്ഥന ഹാസ്യത്തിന്റെ മേമ്പൊടിയോടെ വളരെ രസകരമായി അവതരിപ്പിച്ചിട്ടുള്ള ഗാനമാണ് കോലമാവ് കോകിലയിലെ കല്യാണ വയസ്സ് എന്നു തുടങ്ങുന്ന ഗാനം. ഇതുതന്നെയാണ് പുറത്തിവിട്ടതിന് പിന്നാലെ ഗാനം ഹിറ്റ് ചാർട്ടിൽ ഇടം നേടിയതിന്റെ കാരണവും. എന്നാലിപ്പോൾ ഈ ഗാനം യൂ ട്യൂബില് നിന്ന് അപ്രത്യക്ഷമായിരിക്കുകയാണ്.
നയൻതാരയും യോഗി ബാബുവും പ്രധാനവേഷങ്ങളിലെത്തിയ ചിത്രത്തിലെ ഗാനത്തിനെതിരി റിലീസിനോടനുബന്ധിച്ചുതന്നെ ശക്തമായ ആരോപണങ്ങൾ ഉയർന്നിരുന്നു. ഗാനത്തിന്റെ ബീറ്റുകള് ഒരു പാശ്ചാത്യ ഗാനത്തിന്റേതിന് സമാനമാണെന്ന് കണ്ടെത്തിയതിനെത്തുടർന്നാണ് വിവാദങ്ങൾ ഉയർന്നത്. ഗാനത്തിന്റെ സംഗീത സംവിധായകൻ അനിരുദ്ധ് രവിചന്ദറിനെതിരെ രൂക്ഷമായ വിമർശനമാണ് സമൂഹമാധ്യമങ്ങളിലടക്കം ഉയർന്നത്. താന് ലൈസന്സ്ഡ് ബീറ്റ് ആണ് കല്യാണ വയസ്സിൽ ഉപയോഗിച്ചിരിക്കുന്നതെന്നും കരാറടിസ്ഥാനത്തില് വില കൊടുത്ത് അവകാശം വാങ്ങിയെന്നും വ്യക്തമാക്കി അനിരുദ്ധ് തന്നെ രംഗത്തെത്തുകയും ചെയ്തു.
ഇപ്പോൾ ഗാനം അപ്രത്യക്ഷമായതിന് പിന്നിലും ഇതുതന്നെയാണ് കാരണം. ലൈസന്സ്ഡ് ബീറ്റിന്റെ കരാര് കാലാവധി കഴിഞ്ഞതാണ് ഇതിന് പിന്നിലെ കാരണം. അതുകൊണ്ടാണ് യൂ ട്യൂബ് അത് എടുത്തു കളഞ്ഞതെന്ന് കോലമാവ് കോകിലയുടെ സംവിധായകൻ നെല്സണ് ദിലീപ് കുമാര് പറഞ്ഞു. ഐ ട്യൂണ് പോലുള്ള മറ്റ് പ്ലാറ്റ് ഫോമുകളിൽ ഗാനം ഇപ്പോഴും ലഭ്യമാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ