കൊച്ചി: ഓസ്കർ ജേതാവ് റസൂൽ പൂക്കുട്ടി നായകനായി അഭിനയിക്കുന്ന ചിത്രം ‘ദി സൌണ്ട് സ്റ്റോറി’ ഓസ്കറിന്റെ ചുരുക്കപ്പട്ടികയിൽ. തൃശ്ശൂർ പൂരത്തിന്റെ താളമേളാദികൾ ഒപ്പിയെടുത്ത ചിത്രം 91-മത് ഓസ്കറിന്റെ ചുരുക്കപ്പട്ടികയിലാണ് ഇടംപിടിച്ചത്. മികച്ച ചിത്രത്തിനുള്ള പരിഗണനപ്പട്ടികയിലേക്കാണ് ചിത്രം മത്സരിക്കുന്നത്. ജനുവരി 22-നാണ് ഓസ്കർ നാമനിർദേശപട്ടിക പുറത്തുവിടുക.
സ്റ്റോൺ മൾട്ടിമീഡിയയുടെ ബാനറിൽ രാജീവ് പനക്കൽ നിർമിച്ച് പ്രസാദ് പ്രഭാകർ രചനയും സംവിധാനംചെയ്ത ചിത്രം ഒരു ശബ്ദലേഖകന്റെ ജീവിതയാത്രയാണ് പറയുന്നത്.
തൃശ്ശൂർപൂരം തത്സമയം റെക്കോഡ് ചെയ്താണ് ചിത്രം ഒരുക്കിയത്. മലയാളം, തമിഴ്, ഇംഗ്ലീഷ് ഭാഷകളിൽ ഒരേസമയം നിർമിച്ച ചിത്രത്തിന്റെ സംഗീതം രാഹുൽരാജും ശരത്തും ചേർന്നാണ് നിർവഹിച്ചത്. 2019 ഫെബ്രുവരി 24-നാണ് ഓസ്കർ പ്രഖ്യാപനം.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ