മലയാളികള്‍ക്ക് സണ്ണി ലിയോണിനോടുള്ള സ്‌നേഹത്തിന് മാസങ്ങള്‍ക്ക് മുന്‍പ് കൊച്ചി സാക്ഷിയായതാണ്. ഹോട്ട്‌സ്റ്റാറിനെ സ്വീകരിക്കാന്‍ പതിനായിരങ്ങള്‍ തിങ്ങിക്കൂടിയതോടെ നഗരം തന്നെ നിശ്ചലമായി. ഇനി തിരുവനന്തപുരത്തെ ആവേശത്തിലാക്കാനാണ് താരം വരുന്നത്. കേരളത്തിലേക്കുള്ള തന്റെ രണ്ടാം വരവിനെക്കുറിച്ച് സണ്ണി ലിയോണ്‍ തന്നെയാണ് അറിയിച്ചത്. മെയ് 26 ന് തിരുവനന്തപുരത്ത് നടക്കുന്ന നൃത്തപരിപാടിക്കായാണ് താരം എത്തുക.
ദ ഇന്ത്യന്‍ ഡാന്‍സ് ബിനാലെ 2018 എന്ന പരിപാടി ഒരു ധനകാര്യ സ്ഥാപനമാണ് ഒരുക്കുന്നത്. മലയാളികള്‍ക്കായി മൂന്ന് മണിക്കൂറിന്റെ ഡാന്‍സ് മാരത്തോണാണ് സണ്ണി അവതരിപ്പിക്കുന്നത്. ഡഡു ഒഷമയാണ് പരിപാടിയുടെ ഡയറക്റ്റര്‍.
കൊച്ചിയിലെ ഒരു മൊബൈല്‍ ഷോറൂം ഉദ്ഘാടനം ചെയ്യാനെത്തിയ സണ്ണി ലിയോണിന് വലിയ സ്വീകരണമാണ് ലഭിച്ചത്. തന്നെ കാണാന്‍ തടിച്ചുകൂടിയ ജനാവലിയെ കണ്ട് താരം പോലും ഞെട്ടി.എന്റെ കാര്‍ കൊച്ചിയുടെ സ്‌നേഹകടലില്‍ മുങ്ങിയപ്പോള്‍ എന്ന അടിക്കുറിപ്പോടെ സണ്ണി ലിയോണ്‍ പങ്കുവെച്ച ചിത്രം വൈറലായിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
