കൊച്ചി : സൂപ്പര് താരം മോഹന്ലാലിന്റെ അപരനായെത്തി ശ്രദ്ധേയനായ മദന്ലാല് സിനിമയിലേയ്ക്ക് തിരിച്ചെത്തുന്നു. വിനയന് സംവിധാനം ചെയ്യുന്ന ചാലക്കുടിക്കാരന് ചങ്ങാതി എന്ന സിനിമയിലൂടെയാണ് മദന്ലാലിന്റെ മടങ്ങിവരവ്. 25 വര്ഷങ്ങള്ക്ക് ശേഷമാണ് മദന്ലാലിന്റെ റീ എന്ട്രി.
1990 ല് വിനയന് ചിത്രമായ സൂപ്പര്സ്റ്റാറില് നായകനായാണ് മദന്ലാല് സിനിമയിലെത്തുന്നത്. പിന്നീട് 1993ല് പി ജി വിശ്വംഭരന്റെ പ്രവാചകന് എന്ന സിനിമയിലും മദന്ലാല് അഭിനയിച്ചു. ഇതിനിടെ ഉണ്ടായ അപകടം മദന്ലാലിനെ സിനിമയില് നിന്നും അകറ്റി.
കാല്നൂറ്റാണ്ടിനുശേഷം വിനയന് ചിത്രത്തിലൂടെ തന്നെയാണ് മദന്ലാലിന്റെ തിരിച്ചുവരവ് എന്നതും സവിശേഷതയാണ്. വിനയന് ചിത്രമായ ചാലക്കുടിക്കാരന് ചങ്ങാതിയില് കോടീശ്വരനായ തമിഴ് നിര്മാതാവിന്റെ വേഷമാണ് മദന്ലാല് ചെയ്യുന്നത്. ചിത്രത്തില് അതിഥി വേഷമാണ് മദന്ലാലിന്റതെന്ന് സംവിധായകന് വിനയന് സൂചിപ്പിച്ചു. കലാഭവന് മണിയുടെ ജീവിതം ആസ്പദമാക്കിയാണ് വിനയന് ചാലക്കുടിക്കാരന് ചങ്ങാതിഒരുക്കുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ