പ്രഭാസിനൊപ്പം അഭിനയിക്കാന്‍ സാധിച്ചത് വലിയ അവസരം : ശ്രദ്ധ കപൂര്‍

ആദ്യമായാണ് ഹിന്ദിയിലും തമിഴിലും ചിത്രീകരിക്കുന്ന ഒരു ചിത്രത്തില്‍ ഞാന്‍ ഭാഗമാകുന്നത്. ഈ ചിത്രം മറ്റ് ഭാഷകളിലേക്ക് ഡബ്ബ് ചെയ്യപ്പെടുന്നുമുണ്ട്.
പ്രഭാസിനൊപ്പം അഭിനയിക്കാന്‍ സാധിച്ചത് വലിയ അവസരം : ശ്രദ്ധ കപൂര്‍

സഹോയില്‍ പ്രഭാസിനൊപ്പം അഭിനയിക്കാന്‍ സാധിച്ചത് ഒരു വലിയ അവസരമായിരുന്നെന്ന് നടി ശ്രദ്ധ കപൂര്‍. ആദ്യമായാണ് താന്‍ ഹിന്ദിയിലും തമിഴിലും ഒരേസമയം ചിത്രീകരിക്കുന്ന ഒരു സിനിമയുടെ ഭാഗമാകുന്നതെന്നും പ്രഭാസിനൊപ്പം അഭിനയിക്കുന്നതിന്റെ ആവേശത്തിലാണ് താനെന്നും നടി പറഞ്ഞു.

' പ്രഭാസിനൊപ്പം അഭിനയിക്കുന്നതില്‍ ഞാന്‍ തീര്‍ച്ചയായും ആവേശത്തിലാണ്. ആദ്യമായാണ് ഹിന്ദിയിലും തമിഴിലും ചിത്രീകരിക്കുന്ന ഒരു ചിത്രത്തില്‍ ഞാന്‍ ഭാഗമാകുന്നത്. ഈ ചിത്രം മറ്റ് ഭാഷകളിലേക്ക് ഡബ്ബ് ചെയ്യപ്പെടുന്നുമുണ്ട്. ഇത് ശരിക്കും എനിക്ക് ലഭിച്ചിട്ടുള്ള ഒരു വലിയ അവസരം തന്നെയാണ്', ശ്രദ്ധ പറഞ്ഞു. ദി വെഡ്ഡിംഗ് ജംഗ്ഷന്‍ ഷോ എന്ന പരിപാടിയുടെ ഉദ്ഘാടനത്തില്‍ പങ്കെടുക്കുമ്പോഴാണ് സഹോയെക്കുറിച്ചും പ്രഭാസിനൊപ്പമുള്ള ആദ്യ ചിത്രത്തെകുറിച്ചും ശ്രദ്ധ പ്രതികരിച്ചത്. 

രാജ്കുമാര്‍ റാവുവിനൊപ്പമുള്ള സ്ത്രീ എന്ന പുതിയ സിനിമയും ശ്രദ്ധയ്ക്ക് ഒരുപാട് പ്രതീക്ഷയുള്ള ഒന്നാണ്. ആദ്യമായി ചെയ്യുന്ന ഹൊറര്‍-കോമഡി ചിത്രമെന്നതാണ് സ്ത്രീയെ ശ്രദ്ധയ്ക്ക് പ്രിയങ്കരമാക്കുന്നത്.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com