ബോളിവുഡിലെ ഏറ്റവും കഴിവുറ്റ നടനാണ് അമീര് ഖാന്. തന്റെ കഥാപാത്രത്തിന് വേണ്ടി ഏതറ്റം വരെയും പോകാനും അദ്ദേഹം തയാറാണ്. ഏറ്റവും മനോഹരമായ ശരീരത്തോടെ അമീര് സ്ക്രീനില് എത്തിയത് ധൂം ത്രിയിലൂടെയാണ്. ആരെയും കൊതിപ്പിക്കുന്ന ഈ രൂപം അദ്ദേഹം സ്വന്തമാക്കിയതിന് പിന്നിലെ രഹസ്യം വെളിപ്പെടുത്തിയിരിക്കുകയാണ് അദ്ദേഹത്തിന്റെ ഫിറ്റ്നസ് ട്രെയ്നറായി പ്രവര്ത്തിച്ച ശിവോഹം.
ധൂം ത്രിയ്ക്ക് വേണ്ടി തയാറെടുപ്പുകള് നടത്തിക്കൊണ്ടിരിക്കുമ്പോഴാണ് ശിവോഹത്തിന്റെ കീഴില് അമീര് പരിശീലനം ആരംഭിക്കുന്നത്. സിനിമയില് നിരവധി ശാരീരിക അഭ്യാസം ആവശ്യമായതിനാല് ജിംനാസ്റ്റിക്സിന്റേയും ട്രപീസിന്റേയുമെല്ലാം പരിശീലനം അദ്ദേഹം നേരത്തെ ആരംഭിച്ചിരുന്നു. ഇതിനൊപ്പമാണ് ശരീര സൗന്ദര്യം കൂടുതല് മെച്ചപ്പെടുത്താനായി ശിവോഹത്തിന്റെ സഹായം തേടുന്നത്.
മൂന്ന് ആവശ്യങ്ങളാണ് അദ്ദേഹം മുന്നോട്ട് വെച്ചത്; കൈകുത്തി നിന്ന് പുള്ഓഫ് ചെയ്യാന് പഠിപ്പിക്കുക, കൈകുത്തി നടക്കാന് പഠിപ്പിക്കുക, ശരീര സൗന്ദര്യം നിലനിര്ത്തുക. ഇത് നേടിയെടുക്കാനായി എത്ര കഷ്ടപ്പെടാനും അദ്ദേഹം ഒരുക്കമായിരുന്നു. താന് ആവശ്യപ്പെട്ടതെല്ലാം അദ്ദേഹം ചെയ്യാന് തയാറായെന്നും ദി ശിവ്ഫ്റ്റ് വേ എന്ന പുസ്തകത്തില് ശിവോഹം പറഞ്ഞു. രണ്ടാമത്തെ മാസത്തിന്റെ അവസാനമായപ്പോഴേക്കും ഹാന്ഡ്സ്റ്റാന്ഡ് പുഷ് അപ്പ് ഉള്പ്പടെയുള്ള ഏറ്റവും ബുദ്ധിമുട്ടേറിയ എക്സര്സൈസുകള് ചെയ്യാന് അദ്ദേഹം പഠിച്ചു. ഇതിലൂടെ അമിറിന്റെ മസിലുകള് കൂടുതല് തെളിഞ്ഞെന്നും അദ്ദേഹം പുസ്തകത്തില് പറയുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ