ബോളിവുഡ് താരങ്ങളായ രണ്വീര് സിങ്ങും ദീപിക പദുക്കോണും വര്ഷങ്ങളായി പ്രണയത്തിലാണെന്നാണ് പറയപ്പെടുന്നത്. എന്നാല് ഇത് തുറന്നു സമ്മതിക്കാന് ഇരുവരും തയാറായിട്ടില്ല. രണ്വീര്- ദീപിക വിവാഹം ഉടനുണ്ടാകുമെന്നുവരെ വാര്ത്തകള് വന്നെങ്കിലും രണ്ടുപേരും ഇതിനെക്കുറിച്ച് ഒരക്ഷരം പോലും മിണ്ടിയിട്ടില്ല. അതുകൊണ്ട് ഇവരെ അങ്ങനെ അങ്ങ് വെറുതെ വിടാന് പാപ്പരാസികള് തയാറായില്ല. രണ്ട് പേരും ഒരുമിച്ചുള്ള ചിത്രങ്ങള് പകര്ത്താന് മത്സരിക്കുകയാണ് പാപ്പരാസികള്.
രണ്ടു പേരും ഒരുമിച്ച് അഭിനയിച്ച റൊമാന്റിക് സിനിമകളെല്ലാം സൂപ്പര്ഹിറ്റായിരുന്നു. സഞ്ജയ് ലീല ബന്സാലിയുടെ 2013 ല് പുറത്തിറങ്ങിയ ഗോലിയോന് കി രാസലീല രാം ലീലയിലെ രണ്ട് പേരുടേയും അഭിനയം അക്ഷരാര്ത്ഥത്തില് തിരശീലയെ തീ പിടിപ്പിച്ചു. നിരവധി ലിപ് ലോക്കുകള് ഉള്പ്പടെ ഇഴകിച്ചേര്ന്നുള്ള ഒരുപാട് രംഗങ്ങള് ഇതിലുണ്ടായിരുന്നു. അതിന് പിന്നാലെ വന്ന ബാജിറോവോ മസ്താനിയിലും പറഞ്ഞത് തീവ്ര പ്രണയത്തെക്കുറിച്ചായിരുന്നു.
അതുകൊണ്ടു തന്നെ രണ്വീറിന്റെ ചുംബനത്തെക്കുറിച്ച് ദീപികയ്ക്ക് മികച്ച അഭിപ്രായമാണുള്ളത്. നേഹ ദൂപിക അവതാരകയായി വരുന്ന വാഗ്യു ബിഎഫ്എഫ് ഷോയില് പങ്കെടുത്തുകൊണ്ടാണ് രണ്വീറിന്റെ ചുംബനത്തെക്കുറിച്ച് ദീപിക വാചാലയായത്. ചുംബനത്തിന്റെ കാര്യത്തില് രണ്വീര് എങ്ങനെയാണെന്നാണ് നേഹ ചോദിച്ച്. ഇതിന് മറുപടിയായി രണ്വീര് ഏറ്റവും മികച്ച കിസ്സറാണെന്നാണ് താരം പറഞ്ഞത്. ഇരുവരുടേയും പ്രണയം വ്യക്തമാക്കുന്നതാണ് ദീപികയുടെ മറുപടി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ