പാട്ടു തുണച്ചു; ഒടുവില്‍ രാകേഷിനെ തേടി ഉലകനായകന്റെയും വിളിയെത്തി

ഉന്നൈ കാണാത് നാന്‍.. എന്ന് ശ്രുതിമധുരമായി രാകേഷ് പാടുന്നത് കേട്ട് ഒടുവില്‍ വിളിച്ചത് ഉലകനായകന്‍ കമല്‍ഹാസനാണ്. വിശ്വരൂപത്തിലെ പാട്ട് മനോഹരമായി പാടിയ രാകേഷിനെ കാണാന്‍
പാട്ടു തുണച്ചു; ഒടുവില്‍ രാകേഷിനെ തേടി ഉലകനായകന്റെയും വിളിയെത്തി

ആലപ്പുഴ: ഉന്നൈ കാണാത് നാന്‍.. എന്ന് ശ്രുതിമധുരമായി രാകേഷ് പാടുന്നത് കേട്ട് ഒടുവില്‍ വിളിച്ചത് ഉലകനായകന്‍ കമല്‍ഹാസനാണ്. വിശ്വരൂപത്തിലെ പാട്ട് മനോഹരമായി പാടിയ രാകേഷിനെ കാണാന്‍ അദ്ദേഹത്തിന് താത്പര്യമുണ്ടെന്ന് പേഴ്‌സണല്‍ സ്റ്റാഫംഗം അറിയിക്കുകയായിരുന്നു. ആരാധനാപാത്രത്തെ നേരില്‍ കാണാന്‍ തയ്യാറെടുക്കുകയാണ് രാകേഷ്. 

ജോലിക്കിടയില്‍ ക്ഷീണമകറ്റാന്‍ വേണ്ടി രാകേഷ് പാടിയ പാട്ട് ലോറി ഡ്രൈവറായ ഷമീറാണ് സാമൂഹമാധ്യമങ്ങളില്‍ പങ്കുവച്ചത്.തുടര്‍ന്ന് ശങ്കര്‍ മഹാദേവന്‍ അദ്ദേഹത്തിന്റെ ഫേസ്ബുക്ക് പേജില്‍ ഇതാരാണ് എന്ന് കണ്ടെത്താന്‍ സഹായിക്കൂ എന്ന കുറിപ്പോടെ പോസ്റ്റ് ചെയ്തതോടെയാണ് വീഡിയോ വൈറലായത്. മണിക്കൂറുകള്‍ക്കുള്ളില്‍ നൂറനാട് നിന്നും രാകേഷിനെ കണ്ടെത്തി.

പാട്ട് ഹിറ്റായതിന്റെ സന്തോഷത്തിലാണ് രാകേഷിപ്പോള്‍. 
നൂറനാട് റബ്ബര്‍ തോട്ടത്തില്‍ തടി കയറ്റിറക്ക് തൊഴിലാളിയായ രാകേഷിനെ പാടുന്നതിനായി നിരവധി പേരാണ് സമീപിച്ചിരിക്കുന്നത്.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com