സിനിമാമേഖലയിലെ ചൂഷണങ്ങളെക്കുറിച്ച് നിശബദ്ധരാകരുതെന്ന് വിശ്വരൂപം നായിക പൂജ കുമാര്‍. പാഷനുകള്‍ സ്വന്തമാക്കാന്‍ വിട്ടുവീഴ്ചകള്‍ക്ക് തയ്യാറാകരുതെന്നും കഠിന പ്രയത്‌നം ചെയ്യുന്നവര്‍ ലക്ഷ്യത്തിലെത്തുമെന്നും പൂജ പറയുന്നു.
'നിങ്ങളുടെ നിശബ്ദത ഭാവിയില്‍ സിനിമാ മേഖലകളിലേക്ക് വരാന്‍ ആഗ്രഹിക്കുന്നവര്‍ക്കുവരെ തെറ്റായ സന്ദേശമാവും നല്‍കുക. വിട്ടുവീഴ്ച ചെയ്തവരും കാസ്റ്റിങ് കൗച്ചിന് വിധേയരായവരും തീര്‍ച്ചയായും അതിനെക്കുറിച്ച് തുറന്നു പറയാന്‍ തയാറാകണം. യഥാര്‍ഥ്യബോധത്തിലേക്ക് സമൂഹത്തെ ഉണര്‍ത്താനും സ്ത്രീകള്‍ക്ക് സുരക്ഷിതമായി ജോലിചെയ്യാവുന്ന ഒരിടമായി സിനിമാമേഖലയെ മാറ്റാനും ആ തുറന്നു പറച്ചിലുകള്‍ക്കാകും',പൂജ പറഞ്ഞു.
കമലഹാസന്‍ ചിത്രമായ വിശ്വരൂപത്തിലെ നായികയായ പൂജ തനിക്ക് ഇതുവരെ അത്തരമൊരു അനുഭവം നേരിട്ടിട്ടില്ലെന്നും തുറന്നുപറഞ്ഞു. സിനിമാരംഗത്തെ ലൈംഗിക ചൂഷണങ്ങളെക്കുറിച്ച് നടിമാര്‍ക്കൊപ്പം നടന്‍മാരും വെളിപ്പെടുത്തലുകള്‍ നടത്തി രംഗത്തെത്തിയ പശ്ചാതലത്തിലാണ് പൂജയുടെ പ്രതികരണം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
