മേജര്‍ രവിക്കും ഉണ്ണിമുകുന്ദനും ഇടയിലുള്ള മഞ്ഞുരുകുന്നു: ചിത്രങ്ങള്‍ കാണാം

ജോഷി സംവിധാനം ചെയ്ത സലാം കാശ്മീര്‍ എന്ന സിനിമയുടെ ചിത്രീകരണത്തിനിടെ ഉണ്ണി മുകുന്ദനും മേജര്‍ രവിയും തമ്മില്‍ പ്രശ്‌നങ്ങളുണ്ടായിരുന്നുവെന്ന് നേരത്തേ വാര്‍ത്തകള്‍ പുറത്ത് വന്നിരുന്നു.
മേജര്‍ രവിക്കും ഉണ്ണിമുകുന്ദനും ഇടയിലുള്ള മഞ്ഞുരുകുന്നു: ചിത്രങ്ങള്‍ കാണാം

ന്നലെ കൊച്ചിയിലെ മാരിയറ്റ് ഹോട്ടലില്‍ വെച്ചായിരുന്നു നടനും സംവിധായകനുമായ മേജര്‍ രവിയുടെ പിറന്നാളാഘോഷം. ചലച്ചിത്രമേഖലയില്‍ നിന്നുള്ള നിരവധിയാളുകള്‍ ചടങ്ങില്‍ പങ്കെടുത്തെങ്കിലും ഒരാളുടെ സന്ദര്‍ശനം മേജര്‍ രവിയെ ശെരിക്കും അത്ഭുതപ്പെടുത്തി. ഉണ്ണി മുകുന്ദനായിരുന്നു മേജര്‍ രവിയെ ഞെട്ടിച്ച അതിഥി.

ജോഷി സംവിധാനം ചെയ്ത സലാം കാശ്മീര്‍ എന്ന സിനിമയുടെ ചിത്രീകരണത്തിനിടെ ഉണ്ണി മുകുന്ദനും മേജര്‍ രവിയും തമ്മില്‍ പ്രശ്‌നങ്ങളുണ്ടായിരുന്നുവെന്ന് നേരത്തേ വാര്‍ത്തകള്‍ പുറത്ത് വന്നിരുന്നു. സുരേഷ് ഗോപിയും ജയറാമുമായിരുന്നു സലാം കാശ്മീരിലെ താരങ്ങള്‍. ഉണ്ണി മുകുന്ദന്‍ സിനിമയുടെ ചിത്രീകരണം കാണാന്‍ എത്തിയതായിരുന്നു. 

ജോഷിയുടെ സഹായിയായ മേജര്‍ രവി സെറ്റിലെത്തിയിരുന്നു. അവസാനഘട്ട ചിത്രീകരണം നടക്കുന്ന അമ്പലമേടില്‍ വച്ച് മേജര്‍ രവി ഉണ്ണി മുകുന്ദനുമായി തര്‍ക്കത്തിലായെന്ന വാര്‍ത്തകളാണ് അന്ന് പ്രചരിച്ചത്. സംഭവത്തെക്കുറിച്ച് ഇരുവരും പരസ്യ പ്രസ്താവനകളൊന്നും നടത്തിയിട്ടില്ല. ഉണ്ണി മുകുന്ദനോട് പരിഭവമില്ലെന്ന് മാത്രമായിരുന്നു മേജര്‍ രവി സംഭവത്തെക്കുറിച്ച് പ്രതികരിച്ചിരുന്നത്. ഉണ്ണി മുകുന്ദന്റെ സന്ദര്‍ശനത്തോടു കൂടി എല്ലാ പ്രശ്‌നങ്ങളും അവസാനിക്കുകയാണ്.

മേജര്‍ രവിയുടെ പിറന്നാള്‍ ആഘോഷത്തില്‍ കുടുംബാംഗങ്ങള്‍ക്കൊപ്പം ജനാര്‍ദ്ദനന്‍, മമ്മൂട്ടി, ലാല്‍, ആസിഫ് അലി, ജയസൂര്യ, ടൊവീനോ തോമസ്, നീരജ് മാധവ്, ബാലു വര്‍ഗീസ് എന്നിങ്ങനെ മലയാളത്തിലെ സിനിമാതാരങ്ങളും പങ്കെടുത്തിരുന്നു. ആഘോഷത്തിന്റെ ചിത്രങ്ങള്‍ മേജര്‍ രവി തന്നെയാണ് സാമൂഹിക മാധ്യമങ്ങളിലൂടെ പങ്കുവയ്ച്ചത്. കൂടാതെ പിറന്നാള്‍ ആശംസകള്‍ നേര്‍ന്ന എല്ലാവര്‍ക്കും മേജര്‍ രവി നന്ദിയും രേഖപ്പെടുത്തി. 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com