സിനിമയുടെ റിവ്യു എഴുതാന് സിനിമ കാണേണ്ട ആവശ്യമില്ല എന്നതാണ് ഇപ്പോഴത്തെ അവസ്ഥ. സിനിമ റിലീസ് ചെയ്യുന്നതിന് മുന്പേ റിവ്യൂ റെഡി. ഇന്ന് തീയെറ്ററുകളില് എത്തിയ മമ്മൂട്ടി ചിത്രം അബ്രഹാമിന്റെ സന്തതികളുടെ റിവ്യൂ ആണ് ഇന്നലെ തന്നെ പുറത്തു വന്നത്. ഒരു ഇംഗ്ലീഷ് ഓണ്ലൈന് മാധ്യമമാണ് റിലീസിന് മുന്പേ നെഗറ്റീവ് റിവ്യൂ നല്കിയത്. ഇതിനെതിരേ മമ്മൂട്ടി ആരാധകരും അണിയറ പ്രവര്ത്തകരും രൂക്ഷ വിമര്ശനവുമായി രംഗത്തെത്തിയിരിക്കുകയാണ്.
റിലീസിന് മുന്പ് വന്ന റിവ്യൂവിനെതിരേ ചിത്രത്തിന്റെ നിര്മാതാവായ ജോബി ജോര്ജ് രൂക്ഷ ഭാഷയിലാണ് പ്രതികരിച്ചത്. ഇത് എഴുതിയവനെ ഞാന് ദൈവത്തിന് സമര്പ്പിക്കുന്നു എന്നാണ് റിവ്യൂവിന്റെ ലിങ്ക് പങ്കുവെച്ചുകൊണ്ട് ജോബി കുറിച്ചത്. 'ഇതാണ് നമ്മുടെ കേരളം ഇറങ്ങാത്തസിനിമയുടെ റിവ്യൂ... ഇതു എഴുതിയവനെ ഞാന് ദൈവത്തിനു സമര്പ്പിക്കുന്നു... പ്രതികാരം ദൈവത്തിനു മാത്രം... ഞാന് സ്നേഹിക്കുന്നു...നിന്നെ.. എഴുത്തുകാര....'
വളരെ പ്രതീക്ഷയോടെ കാത്തിരുന്ന ചിത്രത്തിന് ഇറങ്ങുന്നതിന് മുന്പ് മോശം റിവ്യൂ എഴുതിയത് ആരാധകരേയും രോക്ഷാകുലരാക്കി. സൈറ്റിന്റെ കമന്റു ബോക്സില് ആരാധകര് തെറിവിളി തുടങ്ങിയതോടെ റിവ്യൂ പ്രസിദ്ധീകരിച്ച ന്യൂസ് ഫോളോ എന്ന സൈറ്റ് റിവ്യൂ പിന്വലിച്ച് തടിതപ്പി.
സാധാരണ സിനിമ റിലീസ് ആകുന്നതിന് മുന്പ് മാധ്യമ പ്രവര്ത്തകര്ക്കായി പ്രിവ്യു ഷോ നടത്താറുണ്ട്. എന്നാല്, അബ്രഹാമിന്റെ സന്തതികള്ക്കായി പ്രിവ്യു ഷോയും നടത്തിയിട്ടില്ലെന്നും അണിയറ പ്രവര്ത്തകര് വ്യക്തമാക്കി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ