നടിയെ ആക്രമിച്ച കേസിലെ പ്രതിയായ നടന് ദിലീപിനെ തിരിച്ചെടുത്തുകൊണ്ടുള്ള താരസംഘടനയുടെ തീരുമാനത്തില് നടന് മോഹന്ലാലിനെതിരെ വ്യാപക പ്രതിഷേധങ്ങള് ഉയരുന്ന സാഹചര്യത്തില് താരത്തെ അനുകൂലുച്ച് മമ്മൂട്ടി ഫാന്സ് അസോസിയേഷനും രംഗത്തെത്തി. ' വി സപ്പോര്ട്ട് മോഹന്ലാല്' എന്ന പോസ്റ്ററുമായി മോഹന്ലാലിനുള്ള പിന്തുണയറിയിച്ചുകൊണ്ടാണ് മമ്മൂട്ടി ഫാന്സ് അസോസിയേഷന് കൊച്ചിയില് പ്രകടനം നടത്തിയത്.
അമ്മ ജനറല് ബോഡിയില് കൈകൊണ്ട തീരുമാനത്തില് പ്രതിഷേധിച്ചുകൊണ്ട് രാഷ്ട്രീയ പാര്ട്ടികള് പ്രകടനം നടത്തുകയും മോഹന്ലാലിന്റെ കോലം കത്തിക്കുകയും ചെയ്തതിന് പിന്നാലെയാണ് താരത്തിന് പിന്തുണയുമായി ഫാന്സ് അസോസിയേഷനുകള് രംഗത്തെത്തിയിട്ടുള്ളത്. ഒരാളെ മാത്രം വേട്ടയാടുന്ന സമീപനമാണ് രാഷ്ട്രീയപാര്ട്ടികള് ഉള്പ്പെടെയുള്ളവര് സ്വീകരിച്ചിട്ടുള്ള നയമെന്ന് ഫാന്സ് അസോസിയേഷന് അംഗങ്ങള് ആരോപിച്ചു. കൊച്ചിയില് നടന്ന് മമ്മൂട്ടി ഫാന്സിന്റെ പ്രതിഷേധം എറണാകുളം സവിതാ തീയറ്ററിന് സമീപത്തുനിന്നാണ് ആരംഭിച്ചത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ