'ആള് മാറിപ്പോയി, ഉദ്ദേശിച്ച ആള്‍ ഇതല്ല'; സല്‍മാന്‍ ചിത്രത്തിന് ആശംസയുമായെത്തിയ സ്റ്റലോണിനെ ട്രോളി സോഷ്യല്‍ മീഡിയ

സല്‍മാന്‍ ഖാന്റെ അടുത്ത ചിത്രമായ റേസ് 3 ക്ക് ആശംസകള്‍ എന്ന കുറിപ്പോടെയാണ് ഇന്‍സ്റ്റഗ്രാമില്‍ പോസ്റ്റര്‍ ഷെയര്‍ ചെയ്തത്
'ആള് മാറിപ്പോയി, ഉദ്ദേശിച്ച ആള്‍ ഇതല്ല'; സല്‍മാന്‍ ചിത്രത്തിന് ആശംസയുമായെത്തിയ സ്റ്റലോണിനെ ട്രോളി സോഷ്യല്‍ മീഡിയ

ല്‍മാന്‍ ഖാന്റെ പുതിയ ചിത്രമായ റേസ് 3 ന് ആശംസകള്‍ നേര്‍ന്നതിന് സില്‍വസ്റ്റര്‍ സ്റ്റലോണിനെ ട്രോളി സോഷ്യല്‍ മീഡിയ. സല്‍മാന്‍ ഖാന് പകരം റേസ് 3 യിലെ ബോബി ഡിയോളിന്റെ പോസ്റ്റര്‍ പോസ്റ്റ് ചെയ്തതാണ് ട്രോളിന് കാരണമായത്. സല്‍മാന്‍ ഖാന്റെ അടുത്ത ചിത്രമായ റേസ് 3 ക്ക് ആശംസകള്‍ എന്ന കുറിപ്പോടെയാണ് ഇന്‍സ്റ്റഗ്രാമില്‍ പോസ്റ്റര്‍ ഷെയര്‍ ചെയ്തത്. 

ഇതു കണ്ടതോടെ താരത്തെ ട്രോളി നിരവധി പേര്‍ രംഗത്തെത്തി. നല്ലകാര്യം എന്നാല്‍ ഇതെല്ല സല്‍മാന്‍ ഖാന്‍ എന്നാണ് ഒരാള്‍ ഇതിന് താഴെ കമന്റ് ചെയ്തത്. 'ദില്‍വാലെ ദുല്‍ഹനിയ ലേ ജായേങ്കെ' എന്ന ചിത്രത്തില്‍ ഷാരുഖ് ഖാന്‍ പറഞ്ഞതുപോലെ 'ബഡെ ബഡെ ദേശോ മേ ഏസി ചോട്ടി ചോട്ടി ബാതേ ഹോതി രഹ്തി ഹേ' (വലിയ വലിയ നാടുകളില്‍ ഇത്തരം ചെറിയ കാര്യങ്ങള്‍ നടക്കും) എന്നാണ് സ്റ്റലോണിന് പറ്റിയ അബദ്ധത്തെ ഒരാള്‍ വിലയിരുത്തിയത്. എന്നാല്‍ സല്‍മാന്‍ ഖാന്‍ നിര്‍മിക്കുന്ന ചിത്രമായതിനാല്‍ ഏത് പോസ്റ്റര്‍ ഇട്ടാലും എന്താണ് കുഴപ്പമെന്നും ചിലര്‍ ചോദിക്കുന്നുണ്ട്. 

ബുധനാഴ്ചയാണ് റേസ് 3 യിലെ ബോബി ഡിയോളിന്റെ പോസ്റ്റര്‍ സല്‍മാന്‍ പോസ്റ്റ് ചെയ്തത്. പ്രധാന ആള്‍ എന്ന് പറഞ്ഞുകൊണ്ടായിരുന്നു പോസ്റ്റ്. ആ പോസ്റ്ററെടുത്താണ് സ്റ്റലോണ്‍ ആശംസകള്‍ നേര്‍ന്നത്. മുന്‍പ് സ്റ്റലോണിന്റെ ക്രീഡ് 2 ന്റെ പോസ്റ്റര്‍ സല്‍മാന്‍ ഷെയര്‍ ചെയ്തിരുന്നു. 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com