ജയസൂര്യയെ പ്രധാന കഥാപാത്രമാക്കി രഞ്ജിത്ത് ശങ്കര് ഒരുക്കുന്ന ഞാന് മേരിക്കുട്ടിയുടെ ട്രെയ്ലര് പുറത്ത്. ട്രാന്സ് വുമണായി ജയസൂര്യ എത്തുന്ന ചിത്രം ഇതിനോടകം പ്രേക്ഷക ശ്രദ്ധനേടിക്കഴിഞ്ഞു. അഞ്ച് ട്രാന്സ് വിമന്സ് ചേര്ന്നാണ് ട്രെയ്ലര് പുറത്തിറക്കിയത്. വ്യത്യസ്ത കഥാപാത്രങ്ങള്കൊണ്ട് പ്രേക്ഷകരെ ഞെട്ടിക്കാറുള്ള ജയസൂര്യ ഇത്തവണയും പതിവ് തെറ്റിക്കില്ലെന്ന് ഉറപ്പാണ് ട്രെയ്ലര് തരുന്നത്.
ശരീര ഭാഷകൊണ്ടും പെരുമാറ്റംകൊണ്ടും ശബ്ദം കൊണ്ടും മേരിക്കുട്ടിയായി മാറാന് ജയസൂര്യക്ക് സാധിച്ചിട്ടുണ്ട്. ഇന്ത്യയിലെ ഏറ്റവും മികച്ച മേക്ക്അപ് ആര്ടിസ്റ്റുകളിലൊരാളായ രഞ്ജു രഞ്ജിമാര്, ഐ.ടി പ്രൊഫഷനലായ സാറ ഷെയ്ഖ, ബിസിനുകാരിയായ തൃപ്തി ഷെട്ടി, സാമൂഹ്യപ്രവര്ത്തക ശീതള്, നിയമോപദേശകയായ റിയ എന്നിവര് ചേര്ന്നാണ് ട്രെയ്ലര് പുറത്തിറക്കിയത്.
സുരാജ് വെഞ്ഞാറമൂട്, ജുവല് മേരി, അജു വര്ഗീസ്, ഇന്നസെന്റ് തുടങ്ങിയവരാണ് ചിത്രത്തില് അഭിനയിച്ചിരിക്കുന്നത്. പുണ്യാളന് പ്രൈവറ്റ് ലിമിറ്റഡിന് ശേഷം ജയസൂര്യയും രഞ്ജിത്ത് ശങ്കറും ഒന്നിച്ച് അഭിനയിക്കുന്ന ചിത്രമാണിത്. വ്യത്യസ്തമായ പ്രമേയങ്ങളിലുള്ള ചിത്രങ്ങളാണ് ഇവരുടെ കൂട്ടുകെട്ടില് പുറത്തിറങ്ങിയത്. അതിനാല് മേരിക്കുട്ടിയെക്കുറിച്ച് മികച്ച പ്രതീക്ഷയാണ് ആരാധകര്ക്കുള്ളത്. ജൂണ് 15 നാണ് ചിത്രം തീയെറ്ററില് എത്തുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ