ഹൃതിക് റോഷന് മുതല് അര്ജ്ജുന് കപൂര് വരെ ഇന്ന് താരമായിരിക്കുന്ന നിരവധി പേരെ ബോളിവുഡിന് പരിചയപ്പെടുത്തിയത് സല്മാന് ഖാനാണ്. ഈ നിരയിലേക്ക് ഇതാ ഒരാള് കൂടി എത്തുകയാണ്. റീലീസിനൊരുങ്ങികൊണ്ടിരിക്കുന്ന പുതിയ ചിത്രത്തിലൂടെ സിനിമാ രംഗത്തേക്കെത്തുന്ന താരത്തിനൊപ്പമുള്ള ബാല്യകാല ചിത്രം പങ്കുവച്ചുകൊണ്ട് സല്മാന് തന്നെയാണ് ഇതേകുറിച്ച് വെളിപ്പെടുത്തിയത്.
സല്മാന്റെ ട്വിറ്റര് പേജില് പുതിയ പോസ്റ്റ് എത്തിയപ്പോള് മുതല് താരത്തോടൊപ്പമുള്ള ആ കൊച്ചുപയ്യന് ആരെന്ന് അറിയാനുള്ള ആകാംഷയിലാണ് പ്രേക്ഷകര്. ഇത് സഹീര് ഇക്ബാല് ആണെന്നാണ് പലരും കരുതുന്നത്. ട്വിറ്ററില് പങ്കുവച്ച മറ്റൊരു ചിത്രത്തോടൊപ്പം സഹീര് ഇക്ബാലിന്റെ ഇന്സ്റ്റാഗ്രാം ഐഡി സല്മാന് ടാഗ് ചെയതതുകൊണ്ടാണ് ആരാധകര് ഇത്തരത്തിലൊരു നിഗമനത്തിലേക്ക് എത്തിയിരിക്കുന്നത്.
ചിത്രത്തില് സല്മാനൊപ്പമുള്ള കുട്ടി സഹീര് ഇക്ബാല് ആണെങ്കില് പുറത്തിറങ്ങാനിരിക്കുന്ന സല്മാന് സഹനിര്മാതാവായിട്ടുള്ള ചിത്രത്തില് സഹീര് ആദ്യമായി അഭിനയിച്ചിട്ടുണ്ടാകും. സഹീറിന്റെ പിതാവും സല്മാനും ദീര്ഘനാളായി സുഹൃത്തുക്കളാണെന്നും ഒരു വിവാഹാഘോഷത്തിനിടെ സഹീര് നൃത്തം ചെയ്യുന്നത് കണ്ടിട്ടാണ് താരത്തെ ചിത്രത്തിലേക്ക് ക്ഷണിച്ചതെന്നുമൊക്കെ റിപ്പോര്ട്ടുകളും വന്നുതുടങ്ങി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ