നടി നവ്യാ നായര്‍ക്കൊപ്പം മലയാളികളുടെ പ്രിയതാരം ജഗതി ശ്രീകുമാര്‍ 'മാണിക്യവീണയുമായെന്‍' എന്നുതുടങ്ങുന്ന ഗാനം ആലപിക്കുന്ന വീഡിയോ വളരെ പെട്ടെന്നാണ് വൈറലായത്. ഇതിനുപിന്നാലെ ജഗതിയുമൊത്തുള്ള മറ്റൊരു വീഡിയോ കൂടി പങ്കുവച്ചിരിക്കുകയാണ് നവ്യ. നവരസങ്ങളുടെ തമ്പുരാന്‍ എന്ന് മലയാളികള്‍ വിശേഷിപ്പിക്കുന്ന ജഗതി ശ്രീകുമാര്‍ ശൃംഗാരം, ശോകം, അത്ഭുതം എന്നുവേണ്ട സ്വന്തമായി കണ്ടുപിടിച്ച രസങ്ങളടക്കം ചെയ്ത് കാണിക്കുന്ന വീഡിയോയാണ് താരം പങ്കുവച്ചിരിക്കുന്നത്.
വേഗം മടങ്ങി വരൂ എന്ന അടിക്കുറിപ്പോടെയാണ് നവ്യ വീഡിയോ ഷെയര്‍ ചെയ്തിരിക്കുന്നത്. ജഗതിക്ക് ഇത്രയധികം കരുതല്‍ നല്‍കുന്ന അദ്ദേഹത്തിന്റെ കുടുംബത്തെ ബഹുമാനിക്കുന്നെന്നും നവ്യ കുറിച്ചു. ഇന്‍സ്റ്റഗ്രാം പേജിലൂടെ നവ്യ പങ്കുവച്ച വീഡിയോ ആരാധകര്‍ ഏറ്റെടുത്തുകഴിഞ്ഞു. തിരിച്ചുവരവിനായി കാത്തിരിക്കുന്നു, എത്രയും വേഗം തിരിച്ചുവരു എന്നെല്ലാമാണ് ആരാധകരുടെ കമന്റുകളേറെയും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
