കൊച്ചി: ചലചിത്രനടന്‍ അയ്യപ്പന്‍കാവ് പണിക്കശ്ശേരി പിവി ഏണസ്റ്റിനെ ആദ്യ സിനിമ നദിയുടെ ലൊക്കേഷനായ ആലുവാപ്പുഴയില്‍ മരിച്ച നിലയില്‍ കണ്ടെത്തി. കാന്‍സര്‍ ബാധിച്ച മനോവിഷമത്തിലുള്ള ആത്മഹത്യയാണെന്ന് പൊലീസ് പറഞ്ഞു.ഒട്ടേറെ സിനിമകളില്‍ ചെറിയ വേഷങ്ങളില്‍ അഭിനയിച്ചിട്ടുണ്ട്.
രാവിലെ മണപ്പുറത്തെത്തിയ ഏണസ്റ്റ് കുളിക്കടവ് വഴി പുഴയിലേക്ക് ഇറങ്ങുകയായിരുന്നു. ഏണസ്റ്റിനെ കാണാതായി വീട്ടുകാര്‍ പൊലീസില്‍ നല്‍കിയ പരാതിയാണ് ആളെ തിരിച്ചറിയാന്‍ സഹായകമായത്. സംസ്‌കാരം ഇന്ന് സെമിത്തേരി മുക്ക് സെന്റ് ഫ്രാന്‍സിസ് അസീസി പള്ളിയില്‍ നടക്കും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
