കൊച്ചി: ഒരു സിനിമയില് 45 വേഷങ്ങളിലെത്തിയതിന് മലയാളിയായ ഡോക്ടര് ജോണ്സണ് ജോസഫ് ഗിന്നസ് ലോക റെക്കോര്ഡിലേക്ക്. ' ആരാണ് ഞാന്' ചിത്രത്തില് ചാള്സ് ഡാര്വിന്റെ പരിണാമ സിദ്ധാന്തത്തിലെ കുരങ്ങ് മുതല് ബുദ്ധന്, ശ്രീകൃഷ്ണന്, ക്രിസ്തു, ഗലീലിയോ, ഡാവിഞ്ചി എന്ന് തുടങ്ങി സത്യസായി ബാബയുടെ വേഷം വരെ ഡോക്ടര് ജോണ്സണ് ജോസഫ് അവതരിപ്പിച്ചിരുന്നു.
റോയി പല്ലിശ്ശേരിയാണ് സിനിമയുടെ മേക്കപ്പ് നിര്വ്വഹിച്ചത്. പി ആര് ഉണ്ണിക്കൃഷ്ണന് സംവിധാനം ചെയ്ത ചിത്രം നേരത്തേ റിലീസ് ചെയ്തിരുന്നു. ഗ്ലോബ് മാന് എന്ന തത്വചിന്തകനായ മനുഷ്യന്റെ ചിന്തകളും അന്വേഷണങ്ങളും യാത്രയുമാണ് ചിത്രത്തിന്റെ ഉള്ളടക്കം. കൊട്ടാരക്കര ലോട്ടസ് ഹാര്ട്ട് ആശുപത്രിയുടെ സ്ഥാപകനാണ് കാര്ഡിയോളജിസ്റ്റായ ഡോക്ടര് ജോണ്സണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ