അടുക്കളയില്‍ പണിയുണ്ട്; കണ്ണൂര്‍ കാണാന്‍ ഇനിയും വരുമെന്ന് സോണിയ അഗര്‍വാള്‍

പുഴകളും കുന്നുകളും ജലാശയങ്ങളുമടങ്ങിയ കണ്ണൂരിന്റെ സൗന്ദര്യം വര്‍ണനാതീതമാണ്. എങ്ങും പച്ചപ്പ്. അത് നുകരാന്‍ മാത്രം തിരക്ക് മാറ്റിവെച്ചു ഒരിക്കല്‍ വരാം
അടുക്കളയില്‍ പണിയുണ്ട്; കണ്ണൂര്‍ കാണാന്‍ ഇനിയും വരുമെന്ന് സോണിയ അഗര്‍വാള്‍

കണ്ണൂര്‍: കണ്ണൂരിന്റെ ഭൂപ്രകൃതി അതിമനോഹരമാണെന്നും വിമാനത്താവളം യാഥാര്‍ത്ഥ്യമായാല്‍ ഇനിയും ഇവിടെ വരുമെന്ന് പ്രശസ്ത തെന്നിന്ത്യന്‍ താരം സോണിയ അഗര്‍വാള്‍. കണ്ണൂരും പരിസരത്തും ഷൂട്ടിങ് പുരോഗമിക്കുന്ന അടുക്കളയില്‍ പണിയുണ്ട് എന്ന സിനിമയുടെ ഷൂട്ടിങ്ങിനായാണ് സോണിയ അഗര്‍വാള്‍ കണ്ണൂരിലെത്തിയത്.

പുഴകളും കുന്നുകളും ജലാശയങ്ങളുമടങ്ങിയ കണ്ണൂരിന്റെ സൗന്ദര്യം വര്‍ണനാതീതമാണ്. എങ്ങും പച്ചപ്പ്. അത് നുകരാന്‍ മാത്രം തിരക്ക് മാറ്റിവെച്ചു ഒരിക്കല്‍ വരാം- അവര്‍ പറഞ്ഞു. കേരളത്തില്‍ പല തവണ വന്നിട്ടുണ്ടെങ്കിലും വടക്ക് ഭാഗത്ത് വരുന്നത് ആദ്യമായിട്ടാണ്. 

ശ്രീലങ്കന്‍ കുടിയേറ്റക്കാരുടെ കഥ പറയുന്ന തനിമൈ എന്ന സിനിമയുടെ ഷൂട്ടിങ്ങിന് ശേഷം സിങ്കപ്പൂരില്‍ നിന്നാണ് സോണിയ കണ്ണൂരില്‍ എത്തിയത്. സത്രീ കഥാപാത്രങ്ങള്‍ക്ക് പ്രാധാന്യമുള്ള സിനിമയാണ് അടുക്കളയില്‍ പണിയുണ്ട്. ഭക്ഷണമുണ്ടാക്കല്‍ കലയും സംസ്‌കാരവുമാണെന്നാണ് സിനിമ പറയുന്നത്. കെകെ മേനോന്‍ സംവിധാനം ചെയ്യുന്ന സിനിമയുടെ നിര്‍മ്മാതാവ് കണ്ണൂര്‍ സ്വദേശി പ്രേം കല്ലാടാണ്‌
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com