തെലുങ്ക് സിനിമാതാരം സാവിത്രിയുടെ ജീവിതത്തെ ആസ്പദമാക്കി ഒരുക്കിയ മഹാനടിയിൽ ജെമിനി ഗണേശനെ അവതരിപ്പിച്ച ദുല്‍ഖറിനെ പ്രമോ വീഡിയോയിലും പോസ്റ്ററുകളിലും കാണാതിരുന്നത് താരത്തിന്റെ ആരാധകരെ നിരാശരാക്കിയിരുന്നു. ആരാധകരുടെ നിരാശ ഭീഷണികളിലേക്കുവരെ എത്തിയിരുന്നെന്ന് സംവിധായകന്‍ നാഗ് അശ്വിന്‍ വെളിപ്പെടുത്തി. അവര്‍ ഏറെ കാത്തിരുന്ന ചിത്രമായതിനാൽ തന്നെ ഫസ്റ്റ് ലുക്ക് പോസ്റ്ററിലും പ്രമോയിലും ദുല്‍ഖറെ കാണാതിരുന്നതോടെ അവരുടെ ക്ഷമ നശിച്ചു. ദുര്‍ഖര്‍ എവിടെയെന്ന് ചോദിച്ച് പി ആര്‍ ടീമിലുള്ളവരെ ആരാധകര്‍ ഭാഷണിപ്പെടുത്തുന്ന ഘട്ടംവരെ എത്തിയെന്നും അദ്ദേഹം പറഞ്ഞു. അടുത്തിടെ നൽകിയ അഭിമുഖത്തിലാണ് ദുൽഖർ ആരാധകരുടെ പ്രതികരണം നാഗ് വെളിപ്പെടുത്തിയത്.
ഇതാന്നും കാര്യമാക്കേണ്ടെന്നും സമര്‍ദ്ദത്തില്‍പ്പെടാതെ സിനിമയ്ക്ക് ആവശ്യമായത് മാത്രം ചെയ്യാനുമായിരുന്നു അപ്പോൾ ദുൽഖറിന്റെ പ്രതികരണമെന്നും മഹാനടിയുടെ അണിയറപ്രവർത്തകർ പറഞ്ഞു. നായികാപ്രാധാന്യമുള്ള ചിത്രമായതിനാൽ മഹാനടിയിൽ ദുൽഖർ അഭിനയിക്കുമോ എന്നുതന്നെ തങ്ങൾ സംശയിച്ചിരുന്നെന്നും എന്നാല്‍ കഥ കേട്ടപ്പോള്‍ തന്നെ അദ്ദേഹത്തിന് ഇഷ്ടപ്പെടുകയായിരുന്നെന്നും നാഗ് പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
