ന്യൂഡെല്ഹി: മദ്യപിച്ച് വാഹനമോടിച്ചതിന് ബോളുവുഡ് താരം മുംബൈയില് അറസ്റ്റില്. അറിയപ്പെടുന്ന ടിവി, ചലച്ചിത്രതാരം ദലിപ് താഹില് ആണ് അറസ്റ്റിലായത്. രാത്രി മദ്യപിച്ച് വാഹനമോടിച്ച നടന് ഒരു ഓട്ടോയില് ഇടിക്കുകയും രണ്ട് യാത്രക്കാര്ക്ക് പരിക്കേല്ക്കുകയും ചെയ്തു. തുടര്ന്നാണ് ദലിപിനെ പൊലീസ് അറസ്റ്റ് ചെയ്തത്.
നഗരത്തില് ഗണേഷ് വിസര്ജാനിന്റെ ആഘോഷങ്ങള് നടക്കുന്നത് കാരണം റോഡുകളെല്ലാം ബ്ലോക്കായിരുന്നു. ഇതിനാല് പതുക്കെ വാഹനം ഓടിക്കണമെന്ന് നിര്ദേശമുണ്ടായിരുന്നു. ഇത് മറികടന്നാണ് ഇദ്ദേഹം അമിത വേഗതയില് വണ്ടിയോടിച്ച് അപകടം ഉണ്ടാക്കിയത്.
അപകടത്തിന് ശേഷം തന്റെ വാഹനത്തില് നിന്നും ഇറങ്ങി വന്ന നടന് റോഡില് നിന്ന് ബാക്കിയുള്ളവരോട് തര്ക്കിക്കുകയാണ് ചെയ്തത്. തുടര്ന്നാണ് ആളുകള് പൊലീസിനെ വിളിക്കുന്നതും പൊലീസ് ഇയാളെ അറസ്റ്റ് ചെയ്യുന്നതും. ഇയാള് മദ്യപിച്ചാണ് വണ്ടിയോടിച്ചതെന്ന് വൈദ്യപരിശോദനയില് തെളിഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ