രണ്ട് വരി ഗാനം ഇട്ടുകൊടുത്ത് നിത്യാ മേനോന്‍; ബാക്കി കൂടി പാടണമെന്ന് ആരാധകര്‍

നടി സമൂഹമാധ്യമങ്ങളില്‍ പങ്കുവയ്ക്കുന്ന ഓരോ പോസ്റ്റിനും ആരാധകരേറെയാണ്.
രണ്ട് വരി ഗാനം ഇട്ടുകൊടുത്ത് നിത്യാ മേനോന്‍; ബാക്കി കൂടി പാടണമെന്ന് ആരാധകര്‍

ലിയ ഒരു ഇടവേളയ്ക്ക് ശേഷം ചലച്ചിത്രമേഖലയിലേക്ക് തിരിച്ച് വരവ് നടത്തിയിരിക്കുകയാണ് നടി നിത്യാമേനോന്‍. തിരിച്ചെത്തിയപ്പോള്‍ കൂടുതല്‍ ആവേശത്തോടെയാണ് താരത്തെ ആരാധകര്‍ ഉറ്റുനോക്കുന്നതും. നടി സമൂഹമാധ്യമങ്ങളില്‍ പങ്കുവയ്ക്കുന്ന ഓരോ പോസ്റ്റിനും ആരാധകരേറെയാണ്. ലൈക്കായും കമന്റായുമെല്ലാം പ്രോത്സാഹനത്തിന് ഒരു കുറവുമില്ല.

ഇപ്പോള്‍ നിത്യ പാടിയ ഒരു പാട്ടാണ് ഫേസ്ബുക്കിലും ട്വിറ്ററിലുമെല്ലാം ഹിറ്റ്. രണ്ട് വരി മാത്രമേയുള്ളൂവെങ്കിലും കുറച്ച് സമയം കൊണ്ടാണ് ഇത് വൈറലായത്. ഗുരു ദത്തും മധുബാലയും അഭിനയിച്ച 1955 ല്‍ പുറത്തിറങ്ങിയ 'മിസ്റ്റര്‍ ആന്‍ഡ് മിസ്സിസ്സ് 55' എന്ന ചിത്രത്തില്‍ മുഹമ്മദ് റാഫിയും ഗീത ദത്തും ചേര്‍ന്ന് ആലപിച്ച 'ജാനേ കഹാ മേരാ ജിഗര്‍ ഗയേ ഹെ' എന്നു തുടങ്ങുന്ന ഗാനമാണ് നിത്യ മേനന്‍ പാടിയിരിക്കുന്നത്. 

താരത്തെ അഭിനന്ദിച്ചാണ് എല്ലാവരും കമന്റ് ചെയ്യുന്നത്. ബാക്കി കൂടി പാടി അപ്ലോഡ് ചെയ്യാനും ചിലര്‍ ആവശ്യപ്പെടുന്നുണ്ട്. ട്വിറ്ററില്‍ വൈറലായി കൊണ്ടിരിക്കുന്ന വീഡിയോ നിത്യ മേനനും പങ്കുവെച്ചിട്ടുണ്ട്. ആരാധകര്‍ക്കായി ഗാനത്തിന്റെ ഫുള്‍ വീഡിയോ ഉടനെ അപ്‌ലോഡ് ചെയ്യാന്‍ ശ്രമിക്കുമെന്നും നിത്യ പറയുന്നു.

ചെറുപ്പത്തില്‍ തന്നെ പാട്ടിനോട് ആഭിമുഖ്യം പുലര്‍ത്തുന്ന നിത്യ തെലുങ്കിലാണ് കൂടുതലും പാട്ടുകള്‍ പാടിയിരിക്കുന്നത്. വികെ പ്രകാശ് സംവിധാനം ചെയ്ത അടുത്തിടെ റിലീസായ 'പ്രാണ'യിലും നിത്യ ഒരു ഗാനം ആലപിച്ചിരുന്നു. എന്തായാലും നിത്യയുടെ പാട്ടിനെ ആരാധകര്‍ ഏറ്റെടുത്തു കഴിഞ്ഞു.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com