മീടു ആരോപണങ്ങളാല് തെന്നിന്ത്യന് ചലച്ചിത്രലോകത്തെ പിടിച്ച് കുലുക്കിയ നടിയാണ് ശ്രീ റെഡ്ഡി. തെലുങ്ക് സിനിമയിലെ പല പ്രമുഖ സിനിമാപ്രവര്ത്തകര്ക്കെതിരേയും ലൈംഗികാരോപണം ഉന്നയിച്ച് രംഗത്ത് വന്നിരുന്നു ശ്രീ റെഡ്ഡി.
ഇപ്പോള് ശ്രീ റെഡ്ഡി മലയാളത്തില് ചെയ്ത ഒരു ടിക് ടോക് വീഡിയോ ആണ് സമൂഹമാധ്യമങ്ങളില് തരംഗമാകുന്നത്. ടിക് ടോക്ക് നിരോധിച്ചതിന് തൊട്ടുപിന്നാലെയായിരുന്നു നടി ഈ വീഡിയോ പോസ്റ്റ് ചെയ്തത്. 'വിത്ത് മല്ലുബോയ്' എന്ന തലക്കെട്ടോടു കൂടിയാണ് വീഡിയോ പോസ്റ്റ് ചെയ്തിരിക്കുന്നത്.
രാജ്യത്ത് ടിക് ടോക്കിന് നിരോധനം ഏര്പ്പെടുത്തുന്ന തീരുമാനം കഴിഞ്ഞ ദിവസം മുതല് നടപ്പാക്കിയിരിക്കുകയാണ്. ഇന്ത്യയിലെ സര്ക്കാറുകളും കോടതിയും ആവശ്യപ്പെട്ടതോടെ ടിക് ടോക്കിന്റെ വ്യത്യസ്ത പതിപ്പുകള് നീക്കം ചെയ്തു. അപകടങ്ങള്ക്കും കുറ്റകൃത്യങ്ങള്ക്കും ടിക് ടോക്ക് കാരണമാകുന്നു എന്നുള്ള പരാതിയിന്മേലാണ് ആപ്പ് രാജ്യത്ത് നിരോധിച്ചത്.
ഗൂഗിള് പ്ലേ സ്റ്റോറില് ഇപ്പോള് ആപ്പ് ലഭ്യമല്ല. നിലവിലെ സാഹചര്യത്തില് ടിക് ടോക്കിന്റെ പുതിയ ഡൗണ്ലോഡുകള് മാത്രമാണ് തടയപ്പെട്ടിട്ടുള്ളത്. നിലവിലെ ഉപഭോക്താക്കള്ക്ക് ടിക് ടോക്ക് ഉപയോഗിക്കുന്നത് തുടരാം.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ