തമിഴ്‌നാട് ഷൂട്ടിങ് ചാംപ്യന്‍ഷിപ്പില്‍ നടൻ അജിത്ത് രണ്ടാം സ്ഥാനത്ത്. കൊയമ്പത്തൂരിൽ വച്ച് നടന്ന സ്റ്റേറ്റ് റൈഫിൾ ചാംപ്യൻഷിപ്പിൽ 850 മത്സരാര്‍ഥികളോട് പോരാടിയാണ് അജിത് രണ്ടാം സ്ഥാനത്തെത്തിയത്. ചെന്നൈ റൈഫിള്‍ ക്ലബ്ബിന് വേണ്ടിയാണ് താരം മത്സരിച്ചത്. അജിത്ത് ഇനി ദേശീയ തലത്തില്‍ മത്സരിക്കും.
എല്ലാ റൗണ്ടിലും ഒന്നാമതെത്തിയ താരം ഡിംസബറിൽ മധ്യപ്രദേശിൽ നടക്കുന്ന നാഷ്നൽ റൈഫിൾ ഷൂട്ടിങ് ചാംപ്യൻഷിപ്പിലേയ്ക്കാണ് യോഗ്യത നേടിയത്.
മുമ്പ് താരം ഷൂട്ടിങ് മത്സരത്തിൽ പങ്കെടുക്കുന്നതിന്റെ ചിത്രങ്ങൾ സോഷ്യല്‍മീഡിയയില്‍ വൈറലായിരുന്നു. റൈഫിൾ അക്കാദമിയിൽ താരം പരിശീലനം നേടുന്ന വിഡിയോ ദൃശ്യങ്ങൾ വൈറലായതിന് പിന്നാലെയാണ് ചാംപ്യൻഷിപ്പിൽ അജിത്ത് പങ്കെടുത്ത വാർത്തകളും വന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
