ടാറ്റു പ്രേമികളായ നടിമാരുടെ നീണ്ട നിരതന്നെയുണ്ട് മലയാള സിനിമയിൽ. ഭാവനയും റിമ കല്ലിങ്കലും തൊട്ട് നീളുന്ന നിര നമിത പ്രമോദും സാനിയ ഇയപ്പനും വരെ എത്തിനിൽക്കും. ഇപ്പോഴിതാ യുവനടി സംയുക്ത മേനോനാണ് തന്റെ ടാറ്റു വെളിപ്പെടുത്തിയിരിക്കുന്നത്.
യാത്രകൾക്കിടെ പകർത്തിയ ചിത്രങ്ങൾ കോർത്തിണക്കിയാണ് രണ്ടുവർഷം മുമ്പ് ചെയ്ത ടാറ്റു നടി ആരാധകരുമായി പങ്കുവച്ചത്. തന്റെ ഇൻസ്റ്റഗ്രാം പേജിലാണ് നടി ചിത്രം ഷെയർ ചെയ്തിരിക്കുന്നത്. ബുർജ്ഖലീഫ, പട്ടായ, കേരള എന്നിവിടങ്ങളിൽ നിന്ന് പകർത്തിയ മൂന്ന് ചിത്രങ്ങൾ കോർത്തിണക്കിയുള്ളതാണ് ചിത്രം.
പിൻകഴുത്തിൽ സഞ്ചാരി എന്നാണ് സംയുക്ത എഴുതിയിരിക്കുന്നത്. യത്രകളെ ഏറെ ഇഷ്ടപ്പെടുന്ന ഒരുപാട് യാത്രകൾ ചെയ്യുന്ന താരം തന്റെ ഈ ഇഷ്ടമാണ് ടാറ്റുവിലും സൂചിപ്പിച്ചിരിക്കുന്നത്.
ടൊവിനോ നായകനായ കൽക്കി ആണ് തിയേറ്ററിലുള്ള സംയുക്തയുടെ ഏറ്റവും പുതിയ ചിത്രം. ആസിഫ് അലി നായകനാകുന്ന അണ്ടര്‍വേള്‍ഡ് ആണ് നടിയുടെ പുതിയ റിലീസ്. എടക്കാട് ബറ്റാലിയന്‍ 06 എന്ന ചിത്രത്തിലും നായികയായെത്തുന്നുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
