'നിങ്ങള് ഒടുക്കത്തെ ഗ്ലാമര് ആണ് കേട്ടോ'; 32 വര്ഷം മുന്പത്തെ ഫോട്ടോ കണ്ട് ലാലിനോട് ആരാധകര്
തന്റെ ഫോട്ടോശേഖരത്തിലെ പഴയ ചില ചിത്രങ്ങള് ആരാധകരോട് പങ്കുവയ്ക്കുന്നതിലാണ് ഇപ്പോള് നടനും സംവിധായകനുമായ ലാലിന് താല്പര്യം. താന് ജോലി ചെയ്തിരുന്ന പഴയ ചില സിനിമാ ലൊക്കേഷന് ചിത്രങ്ങള് ലാല് ഷെയര് ചെയ്തത് ആരാധകര് ഏറ്റെടുത്തിരുന്നു. ഇപ്പോഴിതാ 32 വര്ഷം മുന്പൊരു ദിവസം തന്റെ വിവാഹദിസം എടുത്ത ഫോട്ടോ ആണ് ലാല് ആരാധകരുമായി പങ്കുവെച്ചിരിക്കുന്നത്.
32 വര്ഷം മുന്പായിരുന്നു സംവിധായകനും നടനുമായ ലാലിന്റെ വിവാഹം. വിവാഹവാര്ഷിക ആഘോഷത്തോടനുബന്ധിച്ചാണ് ഭാര്യ നാന്സിയുമൊത്തുള്ള പഴയ വിവാഹ ഫോട്ടോ ലാല് സോഷ്യല്മീഡിയയിലൂടെ പങ്കുവെച്ചിരുന്നു. വിവാഹശേഷം ഇരുവരും പള്ളിയില് നിന്നിറങ്ങി വരുന്ന ചിത്രത്തെ കരഘോഷത്തോടെയാണ് ആരാധകര് ഏറ്റെടുത്തത്.
ലാല് പോസ്റ്റ് ചെയ്ത ഫോട്ടോയ്ക്കു താഴെ ഉഗ്രന് കമന്റുകളുമായാണ് ആരാധാകരെത്തിയത്. 'വളരുന്തോറും ഉയരം കുറയുകയാണോ' എന്നാണ് ഒരാളുടെ സംശയം. തെങ്കാശിപ്പട്ടണത്തില് സുരേഷ്ഗോപിയുടെ കണ്ണന് എന്ന കഥാപാത്രത്തിനോട് ദാസന് എന്ന ലാലിന്റെ കഥാപാത്രം പറയുന്ന 'നീ ഒടുക്കത്തെ ഗ്ലാമര് ആണെ'ന്ന എന്ന ഡയലോഗ് ആണ് മിക്ക ആരാധകരും ഫോട്ടോയ്ക്ക് താഴെ കുറിച്ചത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ