മുന് ഭര്ത്താവ് അര്ബാസ് ഖാനെക്കുറിച്ച് മനസ് തുറന്ന് നടി മലൈക അറോറ. അദ്ദേഹം ഇപ്പോഴും കുടുംബത്തിലെ അംഗമാണെന്നും പെട്ടെന്ന് ഒഴിവാക്കാനാവുന്ന ബന്ധമല്ലെന്നുമുള്ള തരത്തിലാണ് മലൈക സംസാരിച്ചത്. ഒരു ഫാഷന് മാസികയ്ക്ക് നല്കിയ അഭിമുഖത്തിലാണ് താരം അര്ബാസുമായുള്ള ബന്ധത്തെക്കുറിച്ചു വെളിപ്പെടുത്തിയത്.
അദ്ദേഹം തന്റെ മകന്റെ അച്ഛനാണെന്നും ബന്ധങ്ങള് പെട്ടെന്ന് ഉണ്ടാകുന്നതല്ല, അതിനാല് അങ്ങനെ ഒഴിവാക്കാനാകില്ല എന്ന തരത്തിലായിരുന്നു മലൈകയുടെ സംസാരം. ''ബന്ധങ്ങള് ഒരു രാത്രി കൊണ്ടല്ല, സമയമെടുത്ത് ഉണ്ടാകുന്നതാണ്. അതെല്ലാം വളരെ പ്രത്യേകതയും പ്രാധാന്യവും ഉള്ളതാണ്. പെട്ടെന്നൊരു ദിവസം മുറിച്ചു മാറ്റാനാകില്ല''- മലൈക പറയുന്നു.
''അദ്ദേഹം ഇപ്പോഴും കുടുംബത്തിലെ ഒരു അംഗമാണ്. എല്ലാത്തിനും ഉപരി എന്റെ മകന്റെ അച്ഛനാണ്''- താരം കൂട്ടിച്ചേര്ത്തു. പതിനെട്ട് വര്ഷത്തെ ദാമ്പത്യത്തിനൊടുവില് 2016ല് ആണ് അര്ബാസ് ഖാനും മലൈകയും വിവാഹമോചിതരാകുന്നത്. ഇവര്ക്ക് 14 വയസുള്ള ഒരു മകനുണ്ട്.
ഇറ്റാലിയന് മോഡല് ജോര്ജിയ അഡ്രിയാനിയുമായി പ്രണയത്തിലാണ് അര്ബാസ് ഇപ്പോള്. ബോളിവുഡ് താരം അര്ജുന് കപൂറുമായി മലൈക പ്രണയത്തിലാണ് എന്നും റിപ്പോര്ട്ടുകളുണ്ട്. ഇവര് ഒന്നിച്ചുള്ള ചിത്രങ്ങളും വീഡിയോകളും എപ്പോഴും സമൂഹമാധ്യമങ്ങളിലും പങ്കുവയ്ക്കാറുമുണ്ട്. എങ്കിലും ഇക്കാര്യത്തില് വ്യക്തത വരുത്താന് താരങ്ങള് ഇരുവരും തയാറായിട്ടില്ല.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ