മലയാളത്തിന്റെ പ്രിയതാരം ജയസൂര്യയുടെ ജന്മദിനമാണ് ഇന്ന്. ആരാധകരും സഹപ്രവര്‍ത്തകരുമടക്കം നിരവധി പേരാണ് താരത്തിന് ജന്മദിനാശംസകള്‍ നേര്‍ന്ന് രംഗത്തെത്തിയത്. ഇതിനിടെ നടന്‍ കുഞ്ചാക്കോ ബോബന്റെ ഫേസ്ബുക്ക് പോസ്റ്റാണ് ചര്‍ച്ചയാകുന്നത്. ഇസയുടെ അലമ്പ് അങ്കിള്‍ എന്നായിരുന്നു ജയസൂര്യയ്ക്കുള്ള ആശംസാ പോസ്റ്റില്‍ ചാക്കോച്ചന്‍ കുറിച്ചത്.
'ജന്മദിനാശംസകള്‍ അളിയാ' എന്നു തുടങ്ങുന്ന പോസ്റ്റില്‍ ഇസയുടെ ഏറ്റവും അലമ്പ് അങ്കിളും ഇന്ത്യയിലെ ഏറ്റവും മികച്ച അഭിനേതാക്കളില്‍ ഒരാളും എന്നാണ് ജയസൂര്യയെ ചാക്കോച്ചന്‍ വിശേഷിപ്പിക്കുന്നത്. ഇരുവരുടെയും കുടുംബത്തോടൊപ്പമുള്ള ചിത്രവും ചാക്കോച്ചന്‍ പങ്കുവച്ചിട്ടുണ്ട്.
എന്നാല്‍ പോസ്റ്റിനേക്കാള്‍ രസകരമായ മറുപടിയായിരുന്നു ജയസൂര്യ ഇതിന് നല്‍കിയത്. എടാ നിന്റെ അപ്പന്റെ ഫ്രണ്ട് ആയതുകൊണ്ടാണ് ഞാന്‍ അലമ്പായത്' എന്നാണ് ജയസൂര്യ ഇസയ്‌ക്കെന്നോണം മറുപടി നല്‍കിയിരിക്കുന്നത്. എന്തായാലും ആരാധകര്‍ക്ക് പോസ്റ്റും കമന്റും നന്നായി ഇഷ്ടപ്പെട്ട മട്ടാണ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
