തുടർച്ചയായി ഷൂട്ടിങ് തിരക്കുകളിലായിരുന്നു കഴിഞ്ഞ രണ്ട് മാസമായി പൃഥ്വിരാജ്. തുടർന്ന് താരത്തിന് വീട്ടിൽ പോകാൻ പോലും കഴിഞ്ഞിരുന്നില്ല. ഇപ്പോൾ സിനിമയിൽ നിന്ന് ബ്രേക്ക് എടുക്കാൻ ഒരുങ്ങുകയാണ് പൃഥ്വിരാജ്. മൂന്ന് മാസത്തേക്കാണ് താരം ബ്രേക്ക് എടുക്കുന്നത്. അയ്യപ്പനും കോശിയും സിനിമയുടെ ഷൂട്ടിംഗ് പൂർത്തിയായതിന് പിന്നാലെയാണ് തീരുമാനം. പൃഥ്വിരാജിന്റെ കരിയറിലെ തന്നെ ഏറ്റവും വലിയ പ്രൊജക്ടായ ആടുജീവിതത്തിന് വേണ്ടിയാണ് താരം അവധിയെടുക്കുന്നത്.
ഫേയ്സ്ബുക്ക് പോസ്റ്റിലൂടെയാണ് താരം ഇത് ആരാധകരെ അറിയിച്ചത്. സിനിമയിൽ നിന്ന് ഇത്ര നീണ്ട ഇടവേള എടുക്കുന്നത് ആദ്യമായിട്ടാണെന്നും ഇത് തനിക്ക് എത്രത്തോളം സന്തോഷം തരുമെന്ന് അറിയില്ല എന്നുമാണ് താരം കുറിക്കുന്നത്. എന്നാൽ തന്റെ വീട്ടിലെ രണ്ട് പെണ്ണുങ്ങൾ തന്റെ ഈ തീരുമാനത്തിൽ വലിയ സന്തുഷ്ടരായിരിക്കുമെന്നും താരം കൂട്ടിച്ചേർത്തു. പൃഥ്വിരാജിന്റെ കുറിപ്പ് ഇങ്ങനെ;
അയ്യപ്പനും കോശിയും സിനിമയുടെ ഷൂട്ടിംഗ് ഇന്നു കഴിഞ്ഞു. ഇന്ന് ലൊക്കേഷനില് നിന്ന് തിരിച്ചുപോരുമ്പോള് ഞാന് ആലോചിക്കുകയായിരുന്നു. കഴിഞ്ഞ ഇരുപതു വര്ഷമായി എനിക്കറിയാത്ത കാര്യമാണ് മുമ്പിലുളളത്. അടുത്ത മൂന്നു മാസത്തേക്ക് ഞാന് സിനിമയില് നിന്നും അവധിയെടുക്കുകയാണ്. ഒരു ബ്രേക്ക്!! ദിവസേന രാവിലെ ഉണര്ന്നെണീറ്റ് മറ്റൊന്നും ചിന്തിക്കാനില്ലാതെ അന്നത്തെ ഷൂട്ടിന് പോവുക. ഈ ബ്രേക്കും ഒരു വ്യായാമമാണ്. എന്റെ ജീവിതത്തിലെ ഏറ്റവും വലിയ പ്രൊജക്ടായ ആടുജീവിതത്തിനായുള്ളത്.. സിനിമയമായി ബന്ധമില്ലാതെ ഒരു മൂന്നു മാസം.. അങ്ങനെയൊന്ന് എന്റെ ഓര്മ്മയിലേ ഇല്ല.. ഇത് ശരിയോ ഞാന് സന്തുഷടനാണോ എന്നൊന്നും എനിക്കറിയില്ല. പക്ഷേ ഈ തീരുമാനത്തില് അങ്ങേയറ്റം സന്തോഷിക്കുന്ന രണ്ടു സ്ത്രീകളുണ്ട്. ഞാനിതെഴുതുമ്പോള് അവരെന്നെ കാത്ത് വീട്ടിലിരിപ്പുണ്ട്. ഞാന് വീട്ടിലെത്തുമ്പോഴേക്കും അതിലൊരാള് ഉറങ്ങിക്കാണും. എന്നാലും നാളെ ഞായര് ആയതുകൊണ്ട് അവളുടെ അമ്മ അവളെ ഉറക്കാതെ ഇരുത്തുമെന്ന് കരുതുന്നു. ഞങ്ങളുടെ നിര്മാണത്തിലുളള രണ്ടാമത്തെ സിനിമ ഡ്രൈവിങ് ലൈസന്സ് ഉടനെ റിലീസാകും. എന്നെയും എന്റെ കമ്പനിയെയും സംബന്ധിച്ചിടത്തോളം ഏറ്റവും താത്പര്യപ്പെട്ട തിരക്കഥയാണതിന്റേത്. അപ്പോള് ഇരുപതിന് ഏവരെയും തീയേറ്ററില് വച്ചു കാണാം.
ബ്രേക്ക് എടുത്ത് എന്താണ് പരിപാടിയെന്നാണ് ആരാധകർ ചോദിക്കുന്നത്. വെക്കേഷന് ആശംസകൾ നേരുന്നവരും നിരവധിയാണ്. കഴിഞ്ഞ ദിവസമാണ് പൃഥ്വിരാജിനെ മിസ് ചെയ്യുന്നു എന്ന് പറഞ്ഞ് സുപ്രിയ സോഷ്യൽ മീഡിയയിൽ പോസ്റ്റ് ഇട്ടത്. അതിന് പിന്നാലെ ഷൂട്ടിങ് സെറ്റിൽ നിന്ന് തിരിച്ചെത്തിയ പൃഥ്വിരാജിനൊപ്പമുള്ള ചിത്രവും സുപ്രിയ പങ്കുവെച്ചിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ