പെണ്‍സൗന്ദര്യവുമായി മമ്മൂട്ടിയുടെ ഡാന്‍സ്; മാമാങ്കത്തിലെ വിഡിയോ സോങ് പുറത്ത്

'പീലിത്തിരുമുടി' എന്നാരംഭിക്കുന്ന ഗാനത്തില്‍ ലാസ്യഭാവത്തിലാണ് മമ്മൂട്ടി എത്തുന്നത്
പെണ്‍സൗന്ദര്യവുമായി മമ്മൂട്ടിയുടെ ഡാന്‍സ്; മാമാങ്കത്തിലെ വിഡിയോ സോങ് പുറത്ത്

മ്മൂട്ടിയുടെ ബിഗ് ബജറ്റ് ചിത്രം മാമാങ്കം തീയെറ്ററുകളില്‍ മുന്നേറുകയാണ്. ഒരുപാട് സര്‍പ്രൈസുകളുമായാണ് ചിത്രം എത്തിയത്. അതില്‍ ഏറ്റവും ഞെട്ടിച്ചത് മമ്മൂട്ടിയുടെ ഡാന്‍സായിരുന്നു. ലാസ്യഭാവത്തില്‍ പെണ്‍കുട്ടികള്‍ക്കൊപ്പം നിന്ന് നൃത്തം ചെയ്യുന്ന മമ്മൂട്ടി കുറച്ചൊന്നുമല്ല ആരാധകരെ അമ്പരപ്പിച്ചത്. ഇപ്പോള്‍ മാമാങ്കത്തിലെ വിഡിയോ സോങ് പുറത്തുവിട്ടിരിക്കുകയാണ്. 'പീലിത്തിരുമുടി' എന്നാരംഭിക്കുന്ന ഗാനത്തില്‍ ലാസ്യഭാവത്തിലാണ് മമ്മൂട്ടി എത്തുന്നത്. 

റഫീഖ് അഹമ്മദിന്റെ വരികള്‍ക്ക് എം ജയചന്ദ്രനാണ് സംഗീതം നല്‍കിയിരിക്കുന്നത്. യേശുദാസാണ് ഗാനം ആലപിച്ചിരിക്കുന്നത്. ആരാധകര്‍ ഏറ്റെടുത്തിരിക്കുകയാണ് ഗാനം. ലക്ഷങ്ങളാണ് ഇതിനോടകം വിഡിയോ കണ്ടത്. നേരത്തെ ഒരു മാഗസിനിലെ കവര്‍ ഗേളായി വന്ന് മമ്മൂട്ടി ഞെട്ടിച്ചിരുന്നു. 

കഴിഞ്ഞ ദിവസം മാമാങ്കം 100 കോടി ക്ലബ്ബില്‍ ഇടംനേടിയതായി നിര്‍മാതാവ് വേണു കുന്നപ്പിള്ളി വ്യക്തമാക്കിയിരുന്നു. എം പത്മകുമാറാണ് ചിത്രത്തിന്റെ സംവിധാനം. 50 കോടി ചെലവില്‍ കാവ്യ ഫിലിംസിന്റെ ബാനറിലാണ് ചിത്രം നിര്‍മിച്ചത്.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com