ദീപിക ദ്രൗപതിയാകുമ്പോള്‍ ഹൃത്വിക് റോഷന്‍ ശ്രീകൃഷ്ണനാകും; മഹാഭാരത ഒരുങ്ങുന്നു

ദീപികയും ഹൃത്വിക്കും ഒന്നിക്കുന്ന ആദ്യത്തെ പ്രൊജക്ടായിരിക്കും ഇത്
ദീപിക ദ്രൗപതിയാകുമ്പോള്‍ ഹൃത്വിക് റോഷന്‍ ശ്രീകൃഷ്ണനാകും; മഹാഭാരത ഒരുങ്ങുന്നു

ഹാഭാരതത്തെ ആസ്പദമാക്കി സിനിമ ഒരുക്കുന്നു എന്ന് വ്യക്തമാക്കി കഴിഞ്ഞ ദിവസമാണ് ബോളിവുഡ് സുന്ദരി ദീപിക പദുക്കോണ്‍ രംഗത്തെത്തിയത്. ചിത്രത്തില്‍ ദ്രൗപതിയായാണ് ദീപിക വേഷമിടുന്നത്. ചിത്രത്തിലെ കൃഷ്ണനായി ബോളിവുഡ് നടന്‍ ഹൃത്വിക് റോഷന്‍ എത്തുമെന്നാണ് ഇപ്പോള്‍ പുറത്തുവരുന്ന റിപ്പോര്‍ട്ടുകള്‍. 

ചിത്രത്തിന്റെ നിര്‍മാതാവ് മധു മന്ദേനയും ഹൃത്വിക്കും അടുത്ത സുഹൃത്തുക്കളാണ്. കൃഷ്ണനാവുന്നതിനെക്കുറിച്ച് ഹൃത്വിക്കുമായി ചര്‍ച്ചകള്‍ നടത്തി എന്നാണ് അടുത്ത വൃത്തങ്ങള്‍ നല്‍കുന്ന വിവരം. മധു മന്ദേനയ്‌ക്കൊപ്പം ദീപികയും ചേര്‍ന്നാണ് ചിത്രം നിര്‍മാക്കുന്നത്. ഹൃത്വിക് കൃഷ്ണനാവാന്‍ തയാറായാന്‍ ദീപികയും ഹൃത്വിക്കും ഒന്നിക്കുന്ന ആദ്യത്തെ പ്രൊജക്ടായിരിക്കും ഇത്. 

ഇതിനിടെ ബിഗ് ബജറ്റില്‍ ഒരുങ്ങുന്ന രാമായണയില്‍ ദീപികയും ഹൃത്വിക്കും സീതയും രാമനുമാവുമെന്നും റിപ്പോര്‍ട്ടുകളുണ്ടായിരുന്നു. നിതേഷ് തിവാരിയും രവി ഉധ്വവറും ചേര്‍ന്നാണ് ചിത്രം സംവിധാനം ചെയ്യുന്നത്. എന്നാല്‍ ചിത്രത്തില്‍ അഭിനയിക്കുന്നവരെ തീരുമാനിച്ചിട്ടില്ലെന്നാണ് സംവിധായകര്‍ പറയുന്നത്.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com