സിനിമയില്‍ നിന്ന് ശക്തമായ സുഹൃദ് വലയമുള്ള നടിയാണ് ഭാവന. രമ്യ നമ്പീശന്‍, ശില്‍പ ബാല, ഷഫ്‌ന, സയനോര, മൃദുല മുരളി ഇവരെല്ലാമായും അടുത്ത ബന്ധമാണ് ഭാവന സൂക്ഷിക്കുന്നത്. മലയാള സിനിമയില്‍ നിന്ന് മാറി നില്‍ക്കുകയാണെങ്കിലും ഇവരുടെ സൗഹൃദത്തിന് മാത്രം യാതൊരു കോട്ടവും തട്ടിയിട്ടില്ല. അടുത്തിടെ നടി മൃദുല മുരളിയുടെ വിവാഹ നിശ്ചയത്തിനും സൗഹൃദക്കൂട്ടം ഒത്തുകൂടിയിരുന്നു. ഇവര്‍ ഒന്നിച്ചുള്ള ചിത്രങ്ങളെല്ലാം സോഷ്യല്‍ മീഡിയയില്‍ വൈറലായിരുന്നു. ഇപ്പോള്‍ തന്റെ ഉറ്റ സുഹൃത്തുക്കള്‍ക്കൊപ്പമുള്ള ചിത്രം ഇന്‍സ്റ്റഗ്രാമില്‍ പങ്കുവെച്ചിരിക്കുകയാണ് ഭാവന.
രമ്യ നമ്പീശനും ശില്‍പ ബാലയ്ക്കും ഒപ്പം നില്‍ക്കുന്ന മനോഹര ചിത്രങ്ങളാണ് താരം പങ്കുവെച്ചത്. ഇവരുമായുള്ള സൗഹൃദം എത്ര ശക്തമാണെന്ന് വ്യക്തമാക്കുന്ന അടിക്കുറിപ്പിനൊപ്പമായിരുന്നു ചിത്രം പോസ്റ്റ് ചെയ്തിരിക്കുന്നത്. 'ഈ മുഴുവന്‍ പ്രപഞ്ചത്തില്‍ ആളുകള്‍ എങ്ങനെ കണ്ടുമുട്ടുന്നു, അവര്‍ എങ്ങനെ അടുക്കുന്നു, എങ്ങനെ അവര്‍ മികച്ച ചങ്ങാതിമാരാകുന്നുവെന്ന് ഞാന്‍ ചിലപ്പോള്‍ അത്ഭുതപ്പെടാറുണ്ട്' എന്നാണ് താരം കുറിച്ചത്. ഫ്രണ്ട്‌സ് ലൈക്ക് ഫാമിലി, മൈ ബെസ്റ്റീസ് ഫോര്‍എവര്‍ തുടങ്ങിയ ഹാഷ്ടാഗിനൊപ്പമാണ് പോസ്റ്റ്.
മൃദുലയുടെ വിവാഹനിശ്ചയത്തിന് വന്നപ്പോള്‍ എടുത്തതാണ് ചിത്രങ്ങള്‍. ഭാവന, രമ്യ നമ്പീശന്‍, സയനോര, ശില്‍പ, ഷഫ്‌ന തുടങ്ങിയവരെല്ലാം ചേര്‍ന്ന് മൃദുലയുടെ വിവാഹ നിശ്ചയം ആഘോഷമാക്കിയിരുന്നു. ഇതിന് മുന്‍പ് ശില്‍പയുടെ സഹോദരിയുടെ വിവാഹത്തിനും ഇവര്‍ എല്ലാവരും ഒത്തുകൂടിയിരുന്നു. ഭാവനയും നവീനുമായുള്ള വിവാഹം സുഹൃത്തുക്കള്‍ വന്‍ ആഘോഷമാക്കി ആരാധകരെ ഞെട്ടിച്ചിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
