മോഹൻലാൽ നായകനാകുന്ന ഏറ്റവും പുതിയ ചിത്രമായ ബിഗ് ബ്രദറിനായി ആവേശത്തോടെ കാത്തിരിക്കുകയാണ് ആരാധകർ. സിദ്ദിഖ് സംവിധാനം ചെയ്യുന്ന ചിത്രത്തിന്റെ ഓഡിയോ ലോഞ്ചാണ് ഇപ്പോൾ ചർച്ചയാകുന്നത്. സംഗീത സംവിധായകന്‍ ദീപക് ദേവും സംഘവുമൊരുക്കിയ സംഗീത വിരുന്ന് ആഘോഷമാക്കുകയായിരുന്നു ആരാധകർ. നടൻ മോഹൻലാലിന്റെ സാന്നിധ്യമാണ് പരിപാടിയെ ഏറെ ആവേശഭരിതമാക്കിയത്.
ഞാൻ ഒരു പാട്ടു പാടാം എന്ന് പറഞ്ഞ് മോഹൻലാൽ തന്നെയ‌ാണ് വേദിയിലേക്കെത്തിയത്. 'ഇട്ടിമാണി മെയ്ഡ് ഇൻ ചൈന' എന്ന തന്റെ ചിത്രത്തിലെ 'കണ്ടോ കണ്ടോ ഇന്നോളം കാണാത്ത ചന്തം കണ്ടോ' എന്ന ഗാനമാണ് താരം ആലപിച്ചത്. മോഹൻലാലിനൊപ്പം ദീപക് ദേവും ഗായിക ഗൗരി ലക്ഷ്മിയും ചേർന്നാണ് പാട്ട് പാടിയത്.
എന്നാൽ ഇതിനിടയിലുണ്ടായ ഒരു സംഭവത്തിന്റെ വിഡിയോയാണ് ഇപ്പോൾ സമൂഹമാധ്യമങ്ങളിൽ പ്രചരിക്കുന്നത്. മോഹന്‍ലാലും സംഘവും പാടുന്നതിനിടെ ഒരു ആരാധകര്‍ വേദിയില്‍ കയറുകയും അദ്ദേഹത്തെ മോഹന്‍ലാല്‍ മടക്കി അയക്കുന്നതും വിഡിയോയില്‍ കാണാം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
