ലാക്മെ ഫാഷന് വീക്കില് ഡിസൈനര് രാഗവേന്ദ്ര റാത്തോറിനായി റാംപിലെത്തിയത് ബോളിവുഡ് നടന് അനില് കപൂറും നടി ജാന്വി കപൂറുമാണ്. കറുപ്പ് നിറത്തിലുള്ള വസ്ത്രങ്ങളണിഞ്ഞാണ് ഇരുവരും വേദിയിലെത്തിയത്. റാംപ് വാക്കിനിടയില് മറ്റൊരു സര്പ്രൈസും താരങ്ങള് കാണികള്ക്കായി ഒരുക്കി.
കാണികള്ക്കിടയില് ഇരുന്നിരുന്ന നടന് രണ്വീര് സിങും അനില് കപൂറും വേദിയില് ഒന്നിച്ച നിമിഷമായിരുന്നു അത്. മുന്സീറ്റില് ഇരുന്നിരുന്ന രണ്വീറിനെ അനില് വേദിയിലേക്ക് ക്ഷണിച്ചു. എപ്പോഴത്തെയും പോലെ വേദിയിലെത്തിയ ഉടന് എല്ലാവരെയും കൈയ്യിലെടുക്കുകയായിരുന്നു താരം. അനിലും രണ്വീറും ചേര്ന്ന് ചെറിയ നൃത്തചുവടുകള് വച്ചതോടെ എല്ലാവരും ആവേശത്തിലായി.
സംഭവത്തെക്കുറിച്ച് അനില് തന്റെ ട്വീറ്റിലും പരാമര്ശിച്ചിട്ടുണ്ട്. ലാക്മെ ഫാഷന് വീക്കില് സഹോദരന്റെ മകള് ജാന്വിയോടൊപ്പം പങ്കെടുത്തതിന്റെയും രണ്വീറിനൊപ്പം ചുവടുവച്ചതിന്റെയും സന്തോഷം പങ്കുവച്ചുകൊണ്ടായിരുന്നു ട്വീറ്റ്. പരിപാടിയുടെ ചിത്രങ്ങളും താരം ട്വീറ്റിനൊപ്പം ചേര്ത്തിട്ടുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ