അങ്കമാലി ഡയറീസിന്റെ ആദ്യ റീമേക്ക് തെലുങ്കിൽ; 'ഫലക്ക്‌നുമ ദാസ്', ടീസർ പുറത്ത് 

വിശ്വാക് സെന്നാണ് ചിത്രം സംവിധാനം ചെയ്യുന്നത്
അങ്കമാലി ഡയറീസിന്റെ ആദ്യ റീമേക്ക് തെലുങ്കിൽ; 'ഫലക്ക്‌നുമ ദാസ്', ടീസർ പുറത്ത് 

ലിജോ ജോസ് പെല്ലിശ്ശേരി ചിത്രം അങ്കമാലി ഡയറീസിന്റെ തെലുങ്ക് പതിപ്പ് ഉടൻ തീയറ്ററുകളിലെത്തും. ഫലക്ക്‌നുമ ദാസ് എന്ന് പേരിട്ടിരിക്കുന്ന ചിത്രത്തിന്റെ ടീസര്‍ ഇതിനോടകം പുറത്തുവിട്ടു. വിശ്വാക് സെന്നാണ് ചിത്രം സംവിധാനം ചെയ്യുന്നത്.

ആന്റണി വര്‍ഗ്ഗീസ്, അന്ന രാജന്‍, ടിറ്റോ വിത്സണ്‍ , കിച്ചു, ചെമ്പന്‍ തുടങ്ങിയവർ ശ്രദ്ധേയ അഭിനയം കാഴ്ചവച്ച ചിത്രം നാല് ഭാഷകളിലാണ് റിമേക്കിന് ഒരുങ്ങുന്നത്. ചിത്രത്തിലെ പെപ്പെ എന്ന നായക കഥാപാത്രത്തെ വിശ്വാകാണ് അവതരിപ്പിക്കുന്നത്. സലോനി മിശ്ര, ഹര്‍ഷിത ഗൗര്‍, പ്രശാന്തി , ഉട്ടേജ്, തരുണ്‍ ഭാസ്‌കര്‍ എന്നിവരാണ് മറ്റു പ്രധാനം താരങ്ങള്‍.

കൊല്‍ഹാപ്പൂര്‍ ഡയറീസ് എന്ന പേരിൽ അങ്കമാലി ഡയറീസിന്റെ മറാത്തി പതിപ്പും അണിയറയില്‍ ഒരുങ്ങുന്നുണ്ട്. ജോ രാജൻ സംവിധാനം ചെയ്യുന്ന ചിത്രത്തിൽ യുവനടന്‍ ഭൂഷന്‍ പട്ടേലാണ് പ്രധാനകഥാപാത്രത്തെ അവതരിപ്പിക്കുന്നത്. 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com