വിക്രമിന്റെ മകന് നായികയാവാന്‍ പുതുമുഖം വേണ്ട; ബോളിവുഡ് സുന്ദരിയെ ഇറക്കി നിര്‍മാതാക്കള്‍

ധ്രുവിനെ പ്രധാന റോളില്‍ നിലനിര്‍ത്തി ബാക്കിയുള്ള എല്ലാ കഥാപാത്രങ്ങളേയും മാറ്റാന്‍ നിര്‍മാതാക്കളാണ് ഇ ഫോര്‍ എന്റര്‍ടെയ്ന്‍മെന്റ് ആവശ്യപ്പെടുകയായിരുന്നു
വിക്രമിന്റെ മകന് നായികയാവാന്‍ പുതുമുഖം വേണ്ട; ബോളിവുഡ് സുന്ദരിയെ ഇറക്കി നിര്‍മാതാക്കള്‍

വിക്രമിന്റെ മകന്‍ ധ്രുവിന്റെ ആദ്യ ചിത്രം വര്‍മയില്‍ നായികയായി എത്തുന്നത് ബോളിവുഡ് സുന്ദരി. മികച്ച വിജയമായി മാറിയ വരുണ്‍ ധവാന്‍ ചിത്രം ഒക്‌റ്റോബറില്‍ നായികയായി എത്തിയ ബനിത സന്ധുവാണ് ധ്രുവിനെ പ്രണയിക്കാനായി എത്തുന്നത്. ട്രേഡ് അനലിസ്റ്റ് തരണ്‍ ആദര്‍ശാണ് വാര്‍ത്ത പുറത്തുവിട്ടത്. തരണിന്റെ പോസ്റ്റ് ഷെയര്‍ ചെയ്ത് ബനിത സന്തോഷം വെളിപ്പെടുത്തി. പുതുമുഖ നടി മേഘ ചൗധരിയാണ് ചിത്രത്തില്‍ നായികയായി എത്തിയത്. 

തെന്നിന്ത്യയില്‍ വന്‍ വിജയമായി മറിയ അര്‍ജുന്‍ റെഡ്ഡിയുടെ തമിഴ് റീമേക്കാണ് വര്‍മ. ചിത്രീകരണം പൂര്‍ത്തിയായ ചിത്രം റിലീസിന് ഒരുങ്ങുമ്പോഴാണ് പുനര്‍നിര്‍മിക്കണം എന്ന ആവശ്യവുമായി നിര്‍മാതാക്കള്‍ രംഗത്തെത്തിയത്. ഫൈനല്‍ കട്ടില്‍ സംതൃപ്തരല്ലെന്നും ധ്രുവ് ഒഴികെയുള്ള എല്ലാവരേയും മാറ്റി ചിത്രം പുനഃര്‍നിര്‍മിക്കുമെന്നും പറഞ്ഞതോടെ വലിയ വിവാദങ്ങള്‍ക്ക് വഴിവെച്ചിരുന്നു. സംവിധായകന്‍ ബാലയെ പോലും ഒഴിവാക്കിയാണ് പുതിയ വര്‍മ ഒരുക്കുന്നത്. ധ്രുവിനെ പ്രധാന റോളില്‍ നിലനിര്‍ത്തി ബാക്കിയുള്ള എല്ലാ കഥാപാത്രങ്ങളേയും മാറ്റാന്‍ നിര്‍മാതാക്കളാണ് ഇ ഫോര്‍ എന്റര്‍ടെയ്ന്‍മെന്റ് ആവശ്യപ്പെടുകയായിരുന്നു. 

ഇതിനെ തുടര്‍ന്നാണ് ബനിത ചിത്രത്തിലേക്ക് എത്തിയത്. ചിത്രം ഈ മാസം റിലീസിന് ഒരുങ്ങുകയായിരുന്നു. ചിത്രം പുനഃര്‍നിര്‍മിച്ച് ജൂണില്‍ റിലീസിന് എത്തിക്കാനുള്ള കഠിന ശ്രമത്തിലാണ് അണിയറപ്രവര്‍ത്തകര്‍.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com