പുല്വാമ ഭീകരാക്രമണത്തില് വീരമൃത്യു വരിച്ച സിആര്പിഎഫ് സൈനികന് വി വി വസന്തകുമാറിന്റെ വീട് നടന് മമ്മൂട്ടി സന്ദർശിച്ചു. ലക്കിടിയിലെ വീട്ടിലെത്തിയ മമ്മൂട്ടി വസന്തകുമാറിന്റെ ഭാര്യ ഷീനയേയും മക്കളേയും മറ്റു ബന്ധുമിത്രങ്ങളെയും കണ്ട് സംസാരിച്ചു. ഉച്ചയ്ക്ക് പന്ത്രണ്ട് മണിയോടെ അവിടെയെത്തിയ താരം ഏറെനേരം അവര്ക്കൊപ്പം ചെലവഴിച്ച ശേഷമാണ് മടങ്ങിയത്.
തുടര്ന്ന് വസന്തകുമാറിന്റെ ശവകുടീരത്തില് എത്തി മമ്മൂട്ടി ആദരവര്പ്പിച്ചു. നടന് അബു സലിമും മമ്മൂട്ടിക്കൊപ്പമുണ്ടായിരുന്നു. പ്രൊഡക്ഷന് കണ്ട്രോളര് ബാദുഷയും വയനാട് എസ്പിയും ഒപ്പമുണ്ടായിരുന്നു. മാധ്യമങ്ങളെ അറിയിക്കാതെയായിരുന്നു സന്ദര്ശനം.
ജമ്മു കശ്മീരിലെ പുൽവാമയിൽ സിആർപിഎഫ് വാഹന വ്യൂഹത്തിന് നേരെയുണ്ടായ തീവ്രവാദി ആക്രമണത്തിൽ ഹവില്ദാര് വസന്തകുമാറടക്കം 40 ജവാന്മാരാണ് വീരമൃത്യു വരിച്ചത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ