അത്രമേൽ മനോഹരം ഈ പ്രണയം; പ്രേക്ഷകർ ഏറ്റെടുത്ത കഥകൾ നീളെ  

മെജോ ജോസഫിന്റെ സം​ഗീതത്തിൽ ശ്വേത മോഹനും ഹരിചരണും ചേർന്നാണ് ​ഗാനം ആലപിച്ചിരിക്കുന്നത്
അത്രമേൽ മനോഹരം ഈ പ്രണയം; പ്രേക്ഷകർ ഏറ്റെടുത്ത കഥകൾ നീളെ  

പ്രണയത്തിന്റെ നനുത്ത ഭാവങ്ങള്‍ കാതുകളിലെത്തിക്കുന്ന പ്രണയഗാനങ്ങള്‍ തുടര്‍ച്ചയായി പുറത്തിറങ്ങിയിരുന്ന ഒരു കാലമുണ്ടായിരുന്നു മലയാളത്തിന്.  കാലം മാറിയപ്പോള്‍ പ്രണയഗാനങ്ങളുടെ രൂപഭാവങ്ങളും മാറി. എന്നാല്‍ തെല്ലൊരിടവേളയ്ക്ക് ശേഷം ഭൂതകാലക്കുളിരുണര്‍ത്തുന്ന മറ്റൊരു ഗാനം പുറത്തിറങ്ങിയിരിക്കുകയാണ്.

'കഥകള്‍ നീളെ' എന്ന് പേരിട്ടിരിക്കുന്ന ഈ ആല്‍ബം ഇതിനോടകം ഏറെ ശ്രദ്ധനേടിക്കഴിഞ്ഞു. മെജോ ജോസഫിന്റെ സം​ഗീതത്തിൽ ശ്വേത മോഹനും ഹരിചരണും ചേർന്നാണ് ​ഗാനം ആലപിച്ചിരിക്കുന്നത്. അനു എലിസബത്തിന്റെതാണ് വരികൾ. മിനിസ്ക്രീനിലൂടെ പ്രിയങ്കരിയായ മൃദുല വിജയ്‌യും ഹരീഷുമാണു ഗാനരംഗത്തിൽ അഭിനയിച്ചിരിക്കുന്നത്. മൂന്നാറിന്റെ പശ്ചാത്തലത്തിൽ ഒരുക്കിയിരിക്കുന്ന ഈ പ്രണയ ആൽബത്തിന്റെ സംവിധാനം എബി തോമസ് ആണ് നിർവഹിച്ചിരിക്കുന്നത്. 

സമൂഹമാധ്യമങ്ങളിൽ മികച്ച പ്രതികരണം നേടുന്ന കഥകൾ നീളെ ഇതിനോടകം അരലക്ഷത്തോളം പേർ കണ്ടുകഴിഞ്ഞു. കുളിര്‍മയുള്ള ദൃശ്യ വിസ്മയമെന്നാണ് ആല്‍ബം കണ്ടുള്ള പ്രേക്ഷകരുടെ പ്രതികരണം.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com