വിജയ് ശ്രീ ജി സംവിധാനം ചെയ്യുന്ന ഏറ്റവും പുതിയ തമിഴ് ചിത്രം ദാ ദാ 87ലെ ഒരു പ്രണയരംഗമാണ് സമൂഹമാധ്യമങ്ങളിൽ വൈറലാകുന്നത്. വാർദ്ധക്യത്തിലേക്ക് കടന്ന രണ്ട് ദമ്പതികൾ ആദ്യ രാത്രിയിൽ മുറിയിൽ കണ്ടുമുട്ടുന്ന രംഗമാണ് ചർച്ചയാകുന്നത്.
കമല്‍ഹാസന്റെ സഹോദരനും നടനുമായ ചാരുഹാസനും കീര്‍ത്തി സുരേഷിന്റെ മുത്തശ്ശിയായ സരോജയുമാണ് ഈ രംഗത്തിൽ അഭിനയിച്ചിരിക്കുന്നത്. നോട്ടം കൊണ്ട് പോലും പ്രണയം കൈമാറുന്ന ഇരുവരെയും സോഷ്യൽ മീഡിയ ഏറ്റെടുത്തുകഴിഞ്ഞു. 'ഇഞ്ചി ഇടുപ്പഴകി' എന്ന ഗാനവും പശ്ചാത്തലത്തില്‍ കേള്‍ക്കാം.
1988ല്‍ ഇറങ്ങിയ കമല്‍ഹാസന്‍ ചിത്രം സത്യയുടെ രണ്ടാം ഭാഗമാണ് ദാ ദാ 87 എന്നാണ് റിപ്പോര്‍ട്ടുകള്‍. മാര്‍ച്ച് ഒന്നിനാണ് ചിത്രം റിലീസിനെത്തുന്നത്. കാലൈ സിനിമാസ് നിർമ്മിക്കുന്ന ഈ ചിത്രത്തിന്റെ ട്രെയിലറുകളും പോസ്റ്ററുകളും ഇതിനോടകം തന്നെ ഹിറ്റായിക്കഴിഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
