ഹർത്താൽ ദിനമായിരുന്നിട്ടും സ്കൂട്ടറിൽ ലൊക്കേഷനിലേക്ക് പോകുന്ന നടൻ സലിം കുമാറിന്റെ ചിത്രമാണ് സമൂഹമാധ്യമങ്ങളിലൂടെ പ്രചരിക്കുന്നത്. മമ്മൂട്ടി ചിത്രം മധുരരാജയുടെ ലൊക്കേഷനിലേക്ക് പോകുന്നതിന്റെ ദൃശ്യം താരം തന്നെയാണ് പങ്കുവച്ചത്.
''ഹര്ത്താല് ദിനത്തില് ഗുലാബിയോടൊപ്പം മധുര രാജയുടെ ലൊക്കേഷനിലേക്ക്'എന്നുകുറിച്ചാണ് സലിം കുമാർ തന്റെ ഫേസ്ബുക്ക് പേജിൽ ചിത്രം പങ്കുവച്ചിരിക്കുന്നത്. ഇതിനോടകം മുന്നുറോളം ഷെയറുകളാണ് ചിത്രം നേടിയത്.
താരത്തെ അനുകൂലിച്ചും എതിർത്തും നിരവധിപ്പേരാണ് ഇതിനോടകം കമന്റുകൾ രേഖപ്പെടുത്തിയിരിക്കുന്നത്. പിന്തുണയും വിരോധവും പോസ്റ്റിന് കീഴിൽ നടക്കുന്നതിനൊപ്പം അടുത്തിടെ സലിം കുമാറുമായി ബന്ധപ്പെട്ട് നടന്ന സംഭവങ്ങളെ കോർത്ത് രസകരമായ ട്രോൾ കമന്റുകളും എത്തുന്നുണ്ട്.
അധോലോകക്കാരും തീവ്രവാദികളും ചിരിക്കാറില്ല മിഷ്ടര്, ഹര്ത്താല് ദിനത്തില് അല് ഖായിദ നേതാവ് കലാപം സൃഷ്ടിക്കാന് തെരുവില് ചുറ്റി നടക്കുന്നു, ഇന്ന് കറുത്ത ഷര്ട്ട് ഇടാഞ്ഞത് കാര്യമായി, അല് തീവ്രവാദി എന്നിങ്ങനെയാണ് ചിത്രത്തിന് കീഴിലുള്ള ട്രോള് കമന്റുകള്.
2010 പുറത്തിറങ്ങിയ ഹിറ്റ് ചിത്രം പോക്കിരി രാജയുടെ രണ്ടാം ഭാഗമാണ് മധുരരാജ.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ