രജനീകാന്തും വിജയ് സേതുപതിയും ഒന്നിക്കുന്ന കാര്ത്തിക് സുബ്ബരാജ് ചിത്രം പേട്ടയുടെ റിലീസ് ദിവസം എണ്ണിക്കാത്തിരിക്കുകയാണ് ആരാധകര്. ജനുവരി പത്തിനാണ് ചിത്രം തിയേറ്ററുകളിലെത്തുക. സിനിമയുടെ ടിക്കറ്റ് ബുക്കിങ് ഇന്ന് ആരംഭിച്ചു. കേരളത്തില് പേട്ട' വിതരണത്തിനെത്തിക്കുന്നത് നടന് പൃഥ്വിരാജിന്റെ ഉടമസ്ഥതയിലുള്ള പൃഥ്വിരാജ് പ്രൊഡക്ഷന്സ് ആണ്.
തന്റെ ഫേസ്ബുക്ക് പേജിലൂടെ ഓരോ ദിവസവും ചിത്രത്തിന്റെ ഓരോ പോസ്റ്ററുകള് ഷെയര് ചെയ്താണ് പൃഥ്വി ചിത്രത്തിന്റെ വരവറിയിക്കുന്നത്. ഇന്ന് ഷെയര് ചെയ്ത പോസ്റ്ററില് തൃഷയും സ്റ്റൈല് മന്നനുമാണ് പ്രത്യക്ഷപ്പെട്ടിരിക്കുന്നത്.
സൂപ്പര്സ്റ്റാര് രജനിക്ക് വില്ലനായി മക്കള് സെല്വന് വിജയ് സേതുപതിയാണ് വേഷമിടുന്നത്. നവാസുദ്ദീന് സിദ്ദിഖി, ബോബി സിംഹ, സിമ്രാന്, തൃഷ, മേഘ ആകാശ്, ഗുരു സോമസുന്ദരം, മുനിഷ്കന്ത് രാംദോസ്, സനന്ദ് റെഡ്ഡി, ദീപക് പരമേശ് തുടങ്ങിയവരും പ്രധാന വേഷങ്ങളിലെത്തുന്നുണ്ട്.
മലയാളത്തിന്റെ പ്രിയനടന് മണികണ്ഠന് ആചാരിയും ചിത്രത്തില് വേഷമിടുന്നുണ്ട്. പീറ്റര് ഹെയ്നാണ് ചിത്രത്തിനായി സംഘട്ടനം ഒരുക്കുന്നത്. അനിരുദ്ധ് രവിചന്ദറാണ് പശ്ചാത്തല സംഗീതം നല്കുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ