ഷാഹിദ് കപൂര് നായകനായി എത്തുന്ന സിനിമ സെറ്റിലുണ്ടായ അപകടത്തില് ഒരാള് മരിച്ചു. സെറ്റിലെ ജനറേറ്റര് ഓപ്പറേറ്ററായ മുസാഫര്നഗര് സ്വദേശി രാമു (30) ആണ് മരിച്ചത്. തെന്നിന്ത്യയില് സൂപ്പര്ഹിറ്റായ അര്ജുന് റെഡ്ഡിയുടെ റീമേക്ക് ചിത്രമായ കബിര് സിങ്ങിന്റെ ഷൂട്ടിന് ഇടയിലായിരുന്നു അപകടം. മുസൂറിയിലെ പഞ്ചനക്ഷത്ര ഹോട്ടലിലായിരുന്നു ഷൂട്ട്.
സിനിമയുടെ ക്രൂമെമ്പര്മാരില് ഒരാളായ രാമു ജനറേറ്ററിന്റെ പ്രവര്ത്തനം പരിശോധിക്കുന്നതിനിടെ അപടകടത്തില്പെടുകയായിരുന്നു. ജനറേറ്ററിലെ ഇന്ധനം പരിശോധിക്കുന്നതിനിടെ കഴുത്തിലിട്ടിരുന്ന ഷോള് ജനറേറ്ററിന്റെ ഫാനില് കുരുങ്ങി. ഉടനെ ഡെറാഡൂണിലെ മാക്സ് ആശുപത്രിയില് എത്തിച്ചെങ്കിലും മരിക്കുകയായിരുന്നു.
സന്ദീപ് വന്ഗ സംവിധാനം ചെയ്യുന്ന ചിത്രത്തില് കിയാര അഡ്വാനിയാണ് നായികയായി എത്തുന്നത്. ജൂണ് 21 നാണ് ചിത്രം റിലീസ് ചെയ്യുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ