കൊല്ലം: സിനിമ സീരിയല് താരങ്ങളായ ജയന് ആദിത്യനും അമ്പിളി ദേവിയും വിവാഹിതരായി. ഇന്നലെ കൊറ്റംകുളങ്ങര ക്ഷേത്രത്തില് വച്ചായിരുന്നു വിവാഹം. ഇരുവരുടേയും രണ്ടാം വിവാഹമാണ്. അപ്രതീക്ഷിത വിവാഹം സീരിയല് ലോകത്തെയും പ്രേക്ഷകരെയും ഒരുപോലെ ഞെട്ടിച്ചിരിക്കുകയാണ്.
സീത എന്ന സീരിയലില് ഭാര്യഭര്ത്താക്കന്മാരായി ഇരുവരും അഭിനയിക്കുന്നതിന് ഇടയിലാണ് വിവാഹ വാര്ത്ത എത്തുന്നത്. അനശ്വര നടന് ജയന്റെ സഹോദരപുത്രനാണ് ആദിത്യന്. കലോത്സവ വേദികളിലൂടെയാണ് അമ്പിളി ദേവി അഭിനയ രംഗത്തേക്ക് എത്തിയത്.
ആദ്യത്തെ വിവാഹ ബന്ധം വേര്പെടുത്തി ജീവിക്കുകയായിരുന്നു ആദിത്യനും അമ്പിളിദേവിയും. ഇരുവര്ക്കും ആദ്യ ബന്ധത്തില് മക്കളുണ്ട്. ക്യാമറാമാന് ലോവല് ആയിരുന്നു അമ്പിളി ദേവിയുടെ മുന് ഭര്ത്താവ്. ആ ബന്ധത്തില് ഏഴു വയസ്സുള്ള ഒരു മകനുണ്ട്. 2009 ലാണു നോവലും അമ്പിളി ദേവിയും വിവാഹിതരായത്.
അതിനിടെ അമ്പിളി ദേവിയുടെ വിവാഹം ആദ്യ ഭര്ത്താവ് ലോവല് ആഘോഷിച്ചത് കേക്ക് മുറിച്ചാണ്. സീ ടിവിയില് സംപ്രേഷണം ചെയ്യുന്ന ' അടുത്ത ബെല്ലോട് കൂടി ' എന്ന സീരിയലിന്റെ സെറ്റില് വച്ചായിരുന്നു കേക്ക് മുറിച്ചുള്ള ഈ ആഘോഷം. സെറ്റിലെ മുഴുവന് സഹപ്രവര്ത്തകരും ലോവലിന് ഒപ്പം ഉണ്ടായിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ