കാത്തിരിപ്പിന് വിരാമം ; 'നയനി'ലെ സൂപ്പർഗാനത്തിന്റെ വരവ് അറിയിച്ച് പൃഥ്വിരാജ്
പൃഥ്വിരാജ് നായകനായി എത്തുന്ന സയൻസ് ഫിക്ഷൻ ചിത്രം ‘നയൻ’ ലെ ഗാനം നാളെ എത്തും. നാളെ രാവിലെ 11 ന് ചിത്രത്തിലെ അകലെ എന്ന വീഡിയോ സോംഗ് റിലീസ് ചെയ്യുമെന്ന് പൃഥ്വിരാജ് ഫെയ്സ്ബുക്കിലൂടെ അറിയിച്ചു. ചിത്രത്തിൽ വാമിഖ, മംമ്ത മോഹൻദാസ് എന്നിവരാണ് പൃഥ്വിരാജിന്റെ നായികമാര്‍.
പൃഥ്വിരാജ് പ്രൊഡക്‌ഷൻസും സോണി പിക്ച്ചേർസും ചേർന്നാണ് സിനിമ നിർമ്മിക്കുന്നത്. സംവിധായകൻ കമലിന്റെ മകൻ ജെനുസ് മൊഹമ്മദ് ആണ് നയൻ സംവിധാനം ചെയ്യുന്നത്. ദുൽക്കർ നായകനായി എത്തിയ 100 ഡെയ്സ് ഓഫ് ലവ് എന്ന ചിത്രത്തിനു ശേഷം ജെനുസ് സംവിധാനം ചെയ്യുന്ന ചിത്രമാണ് നയൻ. ചിത്രത്തിന്റെ ട്രെയിലർ നേരത്തെ റിലീസ് ചെയ്തിരുന്നു.
പൃഥ്വിക്കൊപ്പം ബാലതാരം അലോക് പ്രധാനകഥാപാത്രത്തെ അവതരിപ്പിക്കുന്നു. പ്രകാശ് രാജ്, ടോണി ലൂക്ക് ലൂക്ക് എന്നിവരാണ് മറ്റുതാരങ്ങൾ.
സിനിമയുടെ തിരക്കഥയും ജെനുസ് തന്നെ. ഛായാഗ്രഹണം അഭിനന്ദ് രാമാനുജം. സംഗീതം ഷാൻ റഹ്മാനാണ് ചിത്രത്തിന്റെ സംഗീതം ഒരുക്കിയിട്ടുള്ളത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
