ലോകമെമ്പാടുമുള്ള സിനിമ പ്രേക്ഷകരെല്ലാം അക്ഷമയോടെ കാത്തിരിക്കുകയാണ് ജെയിംസ് ബോണ്ട് പരമ്പരയിലെ പുതിയ സിനിമക്ക് വേണ്ടി. കാത്തിരിപ്പുകാരുടെ പ്രതീക്ഷയ്ക്ക് ആക്കം കൂട്ടി ചിത്രത്തിലെ ഫസ്റ്റ് ലുക്ക് പോസ്റ്റര് പുറത്ത് വിട്ടിരിക്കുകയാണ് അണിയറപ്രവര്ത്തകര്. ചിത്രത്തിന്റെ ലൊക്കേഷന് ചിത്രങ്ങളും പുറത്തു വിട്ടിട്ടുണ്ട്.
നായകന് ഡാനിയല് ക്രേഗിന്റെ ഫസ്റ്റ് ലുക്ക് പോസ്റ്റര് ആണ് ഇപ്പോള് പുറത്ത് വിട്ടിരിക്കുന്നത്. കാരി ജോജി ഫുകുനാഗയാണ് ചിത്രം സംവിധാനം ചെയ്യുന്നത്. ലണ്ടനിലാണ് ഇപ്പോള് ചിത്രത്തിന്റെ ഷൂട്ടിംഗ് നടക്കുന്നത്. ഓസ്കര് ജേതാവ് റമി മലേക് ആയിരിക്കും ചിത്രത്തിലെ വില്ലന് കഥാപാത്രത്തെ അവതരിപ്പിക്കുക. റാല്ഫ് ഫിയെന്സ്, റോറി കിന്നിയര് തുടങ്ങിയവരും ചിത്രത്തില് പ്രധാന വേഷങ്ങളിലെത്തും.
ചിത്രത്തിന്റെ പ്രമേയം സംബന്ധിച്ച് ചില സൂചനകളും നേരത്തെ പുറത്തുവിട്ടിരുന്നു. സര്വീസില് പ്രവര്ത്തിച്ചുകൊണ്ടിരിക്കുന്ന ജെയിംസ് ബോണ്ടിനെയല്ല ചിത്രത്തില് ആദ്യം കാണുകയെന്ന് അണിയറപ്രവര്ത്തകര് സൂചന നല്കുന്നുണ്ട്.
നേരത്തെ ചിത്രത്തിന്റെ ഷൂട്ടിംഗിനിടെ ഡാനിയല് ക്രേഗിന് പരുക്കേറ്റ വാര്ത്ത പുറത്ത് വന്നിരുന്നു. തുടര്ന്ന് സിനിമയുടെ ചിത്രീകരണം താല്ക്കാലികമായി നിര്ത്തിവയ്ക്കുകയും ചെയ്തിരുന്നു. ചെറിയ ശസ്ത്രക്രിയയ്ക്ക് ശേഷം ഡാനിയല് ക്രേഗ് തിരിച്ചെത്തുകയും ഷൂട്ടിംഗ് തുടരുകയുമായിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ