ശ്രീനിവാസന്റെ മകന്‍ ധ്യാന്‍ ശ്രീനിവാസന്‍ രചനയും സംവിധാനവും നിര്‍വഹിക്കുന്ന ലവ് ആക്ഷന്‍ ഡ്രാമയുടെ പോസ്റ്റര്‍ പുറത്ത്. കലിപ്പ് ലുക്കില്‍ ആണ് നടന്‍ അജു വര്‍ഗീസും നിവിന്‍ പോളിയും പോസ്റ്ററില്‍ പ്രത്യക്ഷപ്പെട്ടിട്ടുള്ളത്. നിവിന്‍ പോളി തന്നെയാണ് തന്റെ ഫേസ്ബുക്ക് പേജിലൂടെ പോസ്റ്റര്‍ പുറത്ത് വിട്ടത്.
ശ്രീനിവാസന്‍ തിരക്കഥയെഴുതി സംവിധാനം ചെയ്ത വടക്കുനോക്കിയന്ത്രം എന്ന സിനിമയിലെ ശ്രീനിവാസന്‍ തന്നെ അവതരിപ്പിച്ച് അനശ്വരമാക്കിയ തളത്തില്‍ ദിനേശന്‍ എന്ന കഥാപാത്രത്തില്‍ പാര്‍വതി അഭിനയിച്ച ശോഭ എന്ന കഥാപാത്രത്തില്‍ നിന്നും പ്രചോദനമുള്‍ക്കൊണ്ടാണ് ധ്യാന്‍ ലവ് ആക്ഷന്‍ ഡ്രാമയുടെ കഥയെഴുതിയിരിക്കുന്നത്.
ദിനേശന്‍ എന്ന് തന്നെയാണ് നിവിന്‍ പോളി കഥാപാത്രത്തിന്റെ പേര്. സാഗര്‍ എന്നാണ് അജു വര്‍ഗീസ് കഥാപാത്രത്തിന്റെ പേര്. ചിത്രത്തിന്റെ ചായാഗ്രഹണം നിര്‍വ്വഹിക്കുന്നത് റോബി വര്‍ഗീസ് രാജും ജോമോന്‍ ടി ജോണും ചേര്‍ന്നാണ്. സംഗീതം ഷാന്‍ റഹ്മാന്‍. ചിത്രം ഓണത്തിന് തിയേറ്ററിലെത്തും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
