ഒരു കണ്ണിറുക്കലിലൂടെ പ്രിയങ്കരിയായി മാറിയ പ്രിയ വാര്യര് ഇപ്പോള് ബോളിവുഡില് തിളങ്ങാനുള്ള തയാറെടുപ്പിലാണ്. ശ്രീദേവി ബംഗ്ലാവിന് പിന്നാലെ താരത്തെ കാത്ത് നിരവധി അവസരങ്ങളാണ് എത്തിയിരിക്കുന്നത്. അതിനിടെ തന്റെ ആദ്യ സിനിമയായ അഡാര് ലൗവിന്റെ ഷൂട്ടിങ് ലൊക്കേഷനില് നിന്നുള്ള രസകരമായ വിഡിയോ പങ്കുവെച്ചിരിക്കുകയാണ് താരം. ചായാഗ്രാഹകന് സിനു സിദ്ധാര്ത്ഥിനെയാണ് പ്രിയയ്ക്കൊപ്പം വീഡിയോയില് കാണുന്നത്.
റൊമാന്റിക് മൂഡില് ചേര്ന്നിരിക്കുകയാണ് പ്രിയയും സിനുവും. അതിനിടെ സിനു അടുത്തേക്ക് വരുമ്പോള് പ്രിയ ചുംബിക്കാന് ഒരുങ്ങും. എന്നാല് ഇത് ശ്രദ്ധിക്കാതെ പ്രിയയെ പറ്റിച്ച് വെള്ളം കുടിക്കുന്നതാണ് വിഡിയോയില് കാണുന്നത്. എന്റെ പ്രിയപ്പെട്ട സിനു സിദ്ധാര്ത്ഥിനൊപ്പമുള്ള ഇതെന്തിന്റെ കുഞ്ഞാടെ മൊമന്റ് എന്ന അടിക്കുറിപ്പിലാണ് രസകരമായ വിഡിയോ പങ്കുവെച്ചിരിക്കുന്നത്. എന്തായാലും വിഡീയോ ആരാധകര് ഏറ്റെടുത്തിരിക്കുകയാണ്. ചമ്മിയെ പ്രിയയുടെ മുഖം കാണാന് രസമുണ്ടെന്നാണ് ഒരാളുടെ കമന്റ്. കുറച്ച് വെള്ളം പ്രിയയ്ക്ക് കൊടുക്കാനാണ് ഒരു ആരാധകന് പറയുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ