മുംബൈ : രണ്ടു പഴത്തിന്റെ വിലയാണ് സോഷ്യല്‍ മീഡിയയിലെ ചൂടേറിയ ചര്‍ച്ചാവിഷയം. ബോളിവുഡ് നടന്‍ രാഹുല്‍ബോസിനാണ് രണ്ടു പഴത്തിന് പൊള്ളുന്ന വില ഈടാക്കിയത്. ഇതിന്റെ ബില്‍ സഹിതം നടന്‍ സോഷ്യല്‍ മീഡിയയില്‍ പോസ്റ്റ് ചെയ്യുകയായിരുന്നു.
ചണ്ഡീഗഡില്‍ വെച്ചായിരുന്നു സംഭവം. ജിമ്മില്‍ പരിശീലനത്തിനിടെ താരം രണ്ട് വാഴപ്പഴം ഓര്‍ഡര്‍ ചെയ്യുകയായിരുന്നു. ജിമ്മില്‍ നിന്നും റൂമില്‍ തിരിച്ചെത്തിയപ്പോള്‍, പഴം ലഭിച്ചു. തൊട്ടുപിന്നാലെ ലഭിച്ച ബില്ലാണ് താരത്തെ ഞെട്ടിച്ചത്.
442.5 രൂപയാണ് രണ്ടു പഴത്തിന് പഞ്ചനക്ഷത്ര ഹോട്ടല്‍ ചാര്‍ജ് ഈടാക്കിയത്. ഇത് നിങ്ങള്‍ക്ക് വിശ്വസിക്കാനാവുമോ എന്ന് ട്വിറ്ററില്‍ പോസ്റ്റ് ചെയ്ത വീഡിയോയില്‍ നടന്‍ ചോദിക്കുന്നു.
നടന്‍ രാഹുല്‍ ബോസിന്റെ പോസ്റ്റ് സോഷ്യല്‍ മീഡിയയിയല്‍ ചൂടേറിയ ചര്‍ച്ചയ്ക്ക് വഴി വെച്ചിരിക്കുകയാണ്. ഹോട്ടല്‍ അധികൃതരുടേത് പകല്‍ക്കൊള്ളയാണെന്ന് ചിലര്‍ അഭിപ്രായപ്പെടുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
