മലയാളികൾക്ക് എന്നും പ്രിയങ്കരിയായ നടിയാണ് നവ്യ നായർ. വിവാഹത്തോടെ സിനിമിൽ നിന്ന് വിട്ടുനിന്നെങ്കിലും സമൂഹമാധ്യമങ്ങളിലൂടെ ആരാധകരുമായി വിശേഷങ്ങൾ പങ്കുവയ്ക്കാറുണ്ട്. നൃത്തപരിപാടികളുടെ വിശേഷങ്ങളടക്കം പതിവായി നവ്യ ഇൻസ്റ്റഗ്രാമിലൂടെയും ഫേസ്ബുക്കിലൂടെയും പങ്കുവയ്ക്കാറുമുണ്ട്.
നവ്യയുടെ ഏറ്റവും പുതിയ ഇൻസ്റ്റഗ്രാം പോസ്റ്റാണ് ആരാധകർ ഇപ്പോൾ ഏറ്റെടുത്തിരിക്കുന്നത്. നൃത്തപരിപാടി കഴിഞ്ഞു വീട്ടിലെത്തിയ താരത്തിന് മകൻ സായി ഒരുക്കിയ സർപ്രൈസിനേക്കുറിച്ചാണ് നവ്യയുടെ പോസ്റ്റ്. രാവിലെ പങ്കെടുത്ത പരിപാടിയിൽ നവ്യക്ക് ലഭിച്ച പൂച്ചെണ്ടിലെ പുഷ്പങ്ങള്‍ കൊണ്ടാണ് സായിയുടെ വക സർപ്രൈസ്.
ചുവന്ന റോസാപ്പൂ ഇതളുകള്‍ കൊണ്ട് 'ഐ ലവ് യൂ' എന്ന് സോഫയിൽ എഴുതിയാണ് മകന്‍ അമ്മയോടുള്ള സ്നേഹം പ്രകടിപ്പിച്ചിരിക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
